EDITORYAL - Patay diri, patay didto
(Banat) - June 21, 2019 - 12:00am

Makapatindog-balahibo ang pagpatay kang kanhi Medellin mayor ug karon incumbent councilor Ricardo “Ricky” Ramirez. Ang paagi sa pagpatay kaniya nagdala og mensahe nga wa na gyuy giilang lugar ang mga kriminal.

Si Ramirez naka-confine sa Bogo-Medellin Medical Center ubos sa hospital arrest tungod sa kaso sa illegal nga armas ug drug paraphernalia. Kinse ka tawong armado og high-powered firearms ang nisulod sa maong tambalanan ug gipatay ang konsehal sa sulod sa kasilyas sa lawak niini, way nahimo ang jailguard nga nagbantay kaniya pagpakgang sa mga armadong lalaki. Mismo ang kapolisan daw dili makatuong ingon niadto kadaghan ang mga armadong lalaki nga nanulod sa tambalanan aron patyon ang ilang target.

Drugas ang inisyal nga motibong gitan-aw sa kapolisan sa maong hitabo human nga gilambigit si Ramirez

Kun kaniadto ang mga kriminal mag-inusara, o ba kaha duha ka tawong mag-motor karon de-SUV na, armado og mga tag-as nga kalibre sa armas ug pwerte ng daghana kun mohimo og krimen. Sagad mga high-profile personalities ang mga biktima ug kadaghanan elected o kawani sa gobiyerno nga may mga kaso sa illegal drugs.

Ang kapolisan nagtuong posibleng mga kaubanan ra sa grupo sa mga biktima ang nagbuhat niini ngadto kanila tungod sa bulilyaso sa ilang operasyon.

Samtang wala pay nangadakpan ug nataral sa hukmanan nga mga mamumuno niining mga pagpatay dinhi sa Sugbo, direkta ang mensahe niini ngadto sa uban pang mga nalambigit sa illegal nga drugas kaniadto ug karon.

Dili lang kini maoy unang hitabo sa Sugbo nga ang mga mamumuno grupo gyud nga pulos armado og tag-as nga kalibre sa armas.

Mao usab kini ang gidangatan sa mayor sa lungsod sa Ronda nga diha mismo sa iyang buhatan sa munisipyo duol sa police station gipatay sa mga armadong kalalakin-an nga hangtud karon wa pa gihapoy napasakaan og kaso. 

RICARDO “RICKY” RAMIREZ
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with