Gusto lang gyud og gubot
AMBOT LANG - Gerry Auxilio (Banat) - June 20, 2019 - 12:00am

Gituyo ba sa Chinese vessel pagbangga ang Filipino fishing boat nga Gem-Ver? Mao ni ang pangutana nga angayang tubagon sa imbestigahon.

Klaro na nga may fishing boat nga gipanag-iya sa mga Pinoy ang nalunod sa may Recto Bank, dapit o lugar kini nga nahimutang sulod pa sa teritoryo sa Pilipinas. Klaro na pod nga ang mga mananagat nga sakay sa nalunod nga fishing boat ang naglangoy-langoy sa dagat ug nangayo og tabang aron maluwas sa ilang gidangatan.

Ang dili klaro mao ang hinungdan sa pagkalunod sa fishing boat sa mga Pinoy. Gibanggaan ba sila o nabanggaan sa barko sa mga mananagat nga Insik. Mao ni ang tubagon sa imbestigasyon aron mahunong na ang lalis o lantugi.

Dihang gipangutana ni Agriculture Secretary Manny Pinol ang kusinero sa mga mananagat nga Pinoy nga mao lang ang nagmata sa gabii nga nalunod sila iyang giingon nga nakita niya ang barko sa mga mananagat nga Insik.

Mao nang gidali niya pagpukaw ang ilang kapitan nga mipaandar dayon sa makina sa  sakyanan aron sila makalikay. Apan naabtan gayod sila og nalunod. Sa dugang pangutana ngadto sa kusinero, iyang giingon nga murag wala sila makita sa barko sa mga mananagat nga Insik.

Ang mga mananagat nga Insik mipaabot sa ilang habig pinaagi sa ilang gobyerno og miingon nga giataki kuno sila sa mga mananagat nga Pinoy nga sakay sa pito ngadto sa walo ka mga fishing boat. Kini ang hinungdan nga sila misibat og sa ilang pagsibat, ilang nabanggaan ang laing fishing boat nga iya sa mga Pinoy og nalunod. Ila unta nga luwason ang mga mananagat apan nahadlok sila maong ila kining gibiyaan apan ilang giseguro nga sa ilang pagbiya luwas na ang mga mananagat nga nalunod.

Kun imong sabton, wala tuyoa ang bangga. Ang sitwasyon sayon ra nga mapasabot ngadto sa mga igsuon natong mga mananagat. Ang problema lang kay gisakyan kini sa mga kritiko ni Presidente Duterte maong naingon ani.

GUBOT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with