Kun kinsa man gani ang hinay
MGA LAMAS SA KINABUHI - Fr. Rey Cui (Banat) - May 17, 2019 - 12:00am

Dili pa lang dugay nahuman ra gyud ang piniliay. Apan dunay termino nga nihasol gyud sa akong hunahuna ug kini ang pulong nga “gibutaan” mao nga sa akong kakuryoso ako nangutana sa usa ka politiko. Siya nagkanayon sakit tuod ang mabutaan apan kini ang kamatuoran.

Nagpasabot kini og pagseguro lang sa iyang kaugalingon unya bahala na lang ang iyang kaubanan. Ang mahinungdanon siya mosulbong ug bahala na lang ang uban. Ako nagkanayon nga pait diay kun mao kini ang dangatan. Siya nipadayon nga ang tinuod nga kauban sa partido dili gyud unta sa kaugalingon lang maneguro apil gyud sa iyang tuyo mao man ang pagbitad sa kaubang hinay sa dapit o presinto siya kusog aron sa kaulahian managsama silang makaangkon sa maong kadaugan.

Apan lahi na ang kinabuhi karon. Imbis halingon ang diwa sa gitawag natong solidarity ato man nuong gipasibaw ang kinaugalingong panaw kay sa gahum nasilaw. Nakalimot ta nga duna kitay kuyog ug sa atong pagkalimot niini nahimo kitang schizophrenic sa kaugalingon natong gingharian labi na kun kita ang nakabentaha apan diha sa atong panginahanglan makahinumdom dayon kita og silingan.

Nahinumdum ko niadtong bata pa ako sa dihang may silingan mi nga arangan kaniadto sa panahon nga dunay problema nga nisugmat ang sakit sa ilang anak kami dayon ang tawgon apan sa higayon nga dunay hikay sa ilaha dili gani kaingon og hay! Mangaon na ta! Mao nga sa dihang nisugmat na pud ang sakit sa ilang anak nagpaninggit og tabang ang inahan.

Buot ko untang magpabungol-bungol sa maong til-is nga singgit sa sirenang way himbis apan gibadlong ko sa akong inahan kay dili maayo nga magpakabuta-bungol sa panginahanglan sa uban. Dili kini Kristohanon matud pa sa akong inahan nga kun makautang og gamay ning maong silingan ad infinitum ang kyaw-kyaw apan kun siya gani ang utangan igo ka lang pahiyuman.

Tinuod kada usa nato dunay panginahanglan apan dili sab tingale maayo nga kaugalingon lang ang segurohon. Hinumdumi nga dili sa tanang panahon ang kaugalingon mamahimong makahuloganon nga hawa sa kalambigitan nga tawhanon. Kining maong panghunahuna nga maneguro lamang sa kaugalingon maoy nakapahimo sa kaugalingon nga makalolooy ug kabus bisan pa man kun anaa na nimo ang tanan. Kay sa katapusan ra ba mas mahinungdanon ang relasyon kaysa bisan unsang bahandi. Mao nga alang sa tanang nabutaan sa sunod ayaw pud mo og pangbuta aron dili mahimong dulom ang imong padulngan. Kay mag-unsa man ang kadaugan kun kini imong tinikasan.

KINSA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with