Mga kalandrakas sa piniliay
AMBOT LANG - Gerry Auxilio (Banat) - May 14, 2019 - 12:00am

Nagkalain-lain lang nga problema ug reklamo ang nadawat sa Comelec sa adlaw sa piniliay kagahapong ad;awa. Usa na niini ang mga Vote Counting Machine (VCM) nga wala mogana ug dali ra nga moinit. Tungod sa kadaghan sa VCM nga wala mogana nahurot god ang reserba nga VCM ug kay wala nay ikailis, naghulamay nalang ang mga precincts og VCM.

Gumikan niini nakaingon ko nga walay pulos ang testing ug sealing nga gihimo sa Comelec niadtong adlaw nga Biyernes tungod kay napalpak ug wala man mogana ang ilang VCM bisan ila na kining natestingan.

Laing problema nga nasugatran mao ang problelma sa mga botante nga nalangay sa pagboto tungod kay maoy giuna sa pagboto ang mga senior citizens.

Gisugyot sa mga nagbagulbol nga botante nga nalangay sa pagboto mao ang pagbutang gayod og precincts nga iya lamang gayod sa mga senior citizens ug mga buntis o ba kaha ang pagtunga sa mga pabotaron nga senior citizens ug mga batanon aron makairog bisan hinay basta lang kanunay ang pag irog. Tungod man gud sa kalangay ug kataas sa linya ang ubang botante nga wala na makaagwanta sa pagpinaabot nanguli ug wala na mahibaw-i kun mobalik pa ba aron mobotar.

Laing problema sa pagboto gihapon mao ang gihimo sa usa ka botante nga murag eksperto sa ATM skimming tungod kay iya gipapilitan og bubble gum ang VCM maong wala na kini mogana. Gireklamo usab ang naghitak nga vote buying bisan asa dapita sa Pilipinas.  Pero kun gireklamo ang naghitak nga vote buying, aduna pod mga kandidato nga hapit na maopaw sa pagkinawot sa iya ulo human niya mahibaw-i nga ang tag 500 pesos nga honorarium sa ilang mga leaders tag P50 pesos ra ang miabot. Ang nakapasamot pa gyod kaopaw sa kandidato mao ang iya nahibaw-an nga wala ipanghatag sa iya leaders ang budget para sa ila mga canvassers.  Kapait.

Mainit pud ug gamay ang politika sa dakbayan sa Sugbo tungod sa reklamo nga pagpangrakrak ug mga pagpanghulga. 

Kagahapon si Atty. Cadungog ang Chairman sa Board of Canvassers ug membro niini nga si Prosecutor  Rubillas miinhibit sa ilang designation human si Atty. Cadungog nakadawat ug pagpanghulga sa iyang kinabuhi.

Pastilan kining politika nganong masamok man gayod.  Hinuon kining maong mga hitches sa eleksiyon dinhi sa Sugbo dili gayod pariha sa ubang dapit sa nasud nga grabi gayod tungod sa mga patay nga hitabo.

Humana man ang eleksiyon manghinaut lang ko nga wala nay magreklamo nga gitikasan sa piniliay u gang mga naparot modawat unta sa ilang kapildihan ug mga midaug makig usa sa mga napildi ug mag uban sa pagpangalagad sa katawhan.

KALANDRAKAS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with