Pasayloa sila sa ilang gibuhat
JAV BANATI - Javier Yntig Tapulado (Banat) - April 22, 2019 - 12:00am

Uso na ang pagpatay og tawo ning atong panahon karon.

Bisag Kuwaresma, diin gihatagan kita sa atong Manluluwas og panahon sa pagbag-o sa atong kinabuhi, nagpabiling tig-ag kasingkasing ang mga hinanib sa kangitngit, kinsa dili gyod kaantigo maminaw sa siyagit sa pakiluoy gikan sa inosenteng biktima nga giisnatsan og bag, diin dihang wala gihatag dayon, gipusil sa mamumuno ang usa ka inahan nga monas ginhawag pangitag kuwarta sa minatarong nga paagi aron lamang may ikabuhi sa mga gagmay pa niyang anak.

Igo na lang intawon sa pagpislitpislit ang 9-anyos nga bata sa bukton sa nalup-og nga inahan, kinsa naglunang sa kaugalingong dugo nga wala nay kinabuhi.

Ug kutob na lang sa paghilak ang anak nga nagsud-ong sa walay lampingasan isnatser nga paspas kaayong nawala.

Nahitabo kini sa miaging Domingo sa kaadlawon didto sa hilit nga dapit sa Lapu-lapu City, atol gayod sa unang adlaw sa Semana Santa nga mao ang ang Pagbendita sa mga Lukay.

Kini sumala pa, niadtong usa ka radio announcer nga mihisgot niini sa iyang programa.

Niadtong Lunes Santo, may usa sab ka bag-ong natawong bata ang napalgang patay sulod sa usa ka karton didto sa Purok Judas Belt, Barangay Babag, Lapu-Lapu City.

Tangagon na unta kini sa iro. Maayo na lang kay napugngan sa nakadeparar.

Nasayod kaha ang inahan nga kining iyang gihimo sama ra sa gibuhat sa mga Hudeyo  ngadto ni Kristo Hesus, kinsa bisan walay sala, mao gyoy gipili sa katawhan nga ilansang sa krus ug pabuhian si Barabas, ang banggiitang tulisan human manghugas si Ponsiyo Pilato sa iyang mga kamot?

Mas maayo pa kadtong usa ka kawatan nga gilansang tupad ni Hesus kay human makaamgo sa iyang dakong sala, naghinulsol pinaagi sa pag-ingon: “Ginoo, hinumdomi ko, kon Ikaw atua na sa Langit!

Pero kitang mga Katoliko, kinsa gitanyagan Niya’g kaluwasan, imbes modawat, misalikway hinuon niini. Inay magpuasa’g mag-ampo, nagpadayon gihapon sa mga daotang buhat.

Gikaguol kini Niya. Gusto Siya nga maluwas gyod ta. Busa, luyo sa kagahi natog ulo, mihangad Siya sa langit ug nangaliyupo:

“Amahan ko, pasayloa sila kay wala masayod sa ilang gibuhat!”

Ang pangutana mao: Apil ka ba sa maluwas, higala?

PASAYLOA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with