^

Banat Opinyon

Pagpa-opera sa tuhod

SENIOR CITIZEN - Antolin dela Serna - Banat

Sa klaro nga mga hinungdan, kasagaran natong mga senior citizen, labi na niadtong dugay-dugay nang na-senior citizen nga karon nag-enjoy na sa bonus nga katuigan nga gihatag  ngadto kanila sa Tag-iya sa Kinabuhi, either nagpabilin nga duol sa Ginoo, o naningkamot nga mahibalik ngadto sa sabakan sa Labawng Makagagahom, tapus sa daghang katuigan sa pagkahisalaag.

Mao kini ang nahitabo sa akong suod nga higala nga medyo paryente og gamay, si kanhi Kapitan sa Barangay sa Tisa, ug kanhi Konsehal sa Dakbayan sa Sugbo Pax Pacaña, nga alang kaniya, usa ka divine intervention ang paglampos sa pag-opera sa duha niya ka tuhod.

Actually, si Pax nag-alagad sa Simbahan sulod sa daghan nang katuigan ...hangtud karon.

Sa ato pa, duol siyang daan sa Ginoo, ug daghan siyang mga maayong binuhatan ngadto sa uban, labina ngadto sa mga estudyante sa CIT diin siya naka-alagad isip principal, supervisor, ug dean sa maong unibersidad. 

Gumikan sa excellent niyang performance, tapus sa iyang pag-retire gipabalik siya sa kadagkuan sa CIT isip consultant.

Sa akong pagpangutana kun ang duha ba gayud ka tuhod ang gidungan pag-opera, iyang tubag: Duha gyud ka tuhod Brod Tol tungod kay wa may ‘one-hod’ kundili ‘two-hod’ man gyud.

Ang nakanindot kay nahulog nga libre ang pag-opera tungod kay ang PhilHealth mao may miabaga sa bayranan.

Kinsay nag-opera, ug diin siya  operahe? Dili sa private hospital nga mahal kaayo ang bayranan, dili sa dakung Vicente Sotto hospital dinhi sa dakbayan,  kundili sa provincial district hospital sa Naga City, ug ang nangunay pag-opera kaniya si Dr. Rene Catan, ang provincial health officer.

Sama sa ubang mga district hospital sa lalawigan, ang Naga City kompleto na sa mga kahimanan sa pagpanambal lakip na sa pag-opera.

Ug lakip sa pag-upgrade sa mga katakus ug kapasidad sa mga district hospital mao ang pag-hire og dugang doctor ug nurse.

Lahi sa unang panahon nga sa mga emerhensiya, dad-on pa ang mga pasyente sa kalungsoran nganhi sa dakbayan sa Sugbo.

Anyway, iyang giisip nga Divine intervention nga si Dr. Catan nga kanhi didto ra man mag-base sa kaulohan sa iyang pagpanambal, nga iyang nakaila ug naamigo tungod kay lisud man kaayo nga ang motambal kanimo usa ka total stranger nga doctor. Di ba?

Actually, ang kaila ug amigo ni Pax mao ang amahan ni Dr. Catan, ug mao kini ang naka-lead kaniya ngadto sa pag-ila ug pagkahigala nila ni Dr. Catan.

Gioperahan siya niadtong Abril 25, 2018, ug gisundan kini sa pagtambal usab sa nagpabadlong niyang kidney. Ug karon, kaluoy sa Dios, matud niya, nabalik na siya sa maayong panglawas.

Nakabalik na siya pag-drive, ug mag-bike (stationary) sulod sa pila ka oras matag adlaw, ug nakapadayon na sa iyang pag-alagad both sa CIT isip consultant ug sa Lourdes Parish isip lay minister ug commentator. Ug aktibo na usab sa Cursillo, in fact, siya ang vice president sa Cursillo Movement sa Archdiocese sa Sugbo.

Nagkuyog man mi si Rene Alquizola sa pagpakighinabi uban ni Pax, iyang giingnan si Rene nga: “Kahibawo ka Ren, inig- roll call sa Ginoo kinsay present kay Iya nang papahuwayon, absent ko pirme.”

 

 

OPERA

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with