^

Banat Opinyon

EDITORYAL - Hagit ngadto sa ginikanan

Banat
EDITORYAL - Hagit ngadto sa ginikanan

Nadakpan na ang usa sa prime suspect sa pagpatay sa 16 anyos nga si Christine Lee Silawan diha sa Dakbayan sa Lapu-Lapu. Ang makapakugang sa maong kalamboan kay ang suspek giingong kanhi uyab sa dalagita nga wala mailhi sa pamilya niini.

Ang maong suspek 17 anyos pa, ug subay sa balaod sa Pilipinas matawag pa gihapon kini bata o menor de edad.

Makapakugang kaayo gumikan kay batan-on pa kini kaayo apan nakaako paghimo sa maong yawan-ong krimen sa iyaha pa gyung kanhi hinigugma kun tinuod gyud nga siya ang nagpatay.

Ang mga otoridad nangita karon sa mga gidudahang kauban sa suspek sa maong krimen ug gipaabot nga sa dili magdugay mangadakpan gihapon sila.

Ang inahan ni Christine nga si Lourdes sa interbyu sa mga tigbalita miingon nga wala gyud siya masayod nga duna diay uyab ang iyang anak.

Kay miinsister kini nga gikan sa eskuylahan diretso gyud mouli sa ila ang dalagita. Kun moserbisyo kini sa simbahan mananghid gyud kini kanunay.

Ang maong hitabo angay kakuhaan og pagtulon-an sa ubang mga ginikanan ilabi na kadtong adunay mga anak nga susama og mga pangidaron sa biktima ug sa suspek.

Tungod sa ka moderno na karon sa teknolohiya ang mga kabataan anha na makapaag og mga bag-ong kaila ug karelasyon pinaagi lamang sa mga social media nga way kalibotan ang mga ginikanan.

Mas pa kun sila na-busy sa pagpanarbaho ug wala nay oras makapangutana sa mga panghitabo sa inadlaw-adlaw nga kinabuhi sa ilang mga anak.

Sayon isulti kining bukas nga komunikasyon sud sa pamilya apan sa pagkatinuod lisud buhaton. Mao nga ang angayan nga mouna paghimo niini mao gyud ang mga ginikanan.

Tungod kay ang mga anak usahay bisan unsa ka suod may mga higayon nga magtago sila og sekreto nga posibleng makalagla kanila nga pwede pa untang mapakgang sa mga ginikanan.

GINIKANAN

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with