Pasyenteng nagtinga gipasagdan?
Pasyenteng nagtinga gipasagdan?
LABTIK - Alan Domingo (Banat) - February 20, 2019 - 12:00am

Laing video ang nag viral sa social media kalabot sa usa ka pasyente’ng lalaki nga giingong wala atimana sa mga hospital staff sa tambalanan sa lungsod sa Tuburan.

Makita sa video ang pasyente nga galimbaglimbag kinsa naningkamot nga makaginhawa.

Apan walay ni usa ka staff ang miduol kaniya bisan man lang sa pagbutang og bandage sa samad ug wala say oxygen nga gitaod sa maong pasyente bisan og gapaningkamot kini nga makaapas sa iyang gininhawa.

Ang pasyente usa ka subject sa buy-bust operation sa kapolisan kinsa napusilan sa mga pulis human misukol.

Matud sa Police Regional Office 7 nga lehitimo ang police operation ug bisan naigo na kini sa mga bala apan gidala nila sa hospital nga buhi busa igo nilang gihimo ang ilang trabaho.

Mobalik na sab ta sa isyu sa pag-atiman sa mga staff sa hospital sa ilang pasyente kay kun ang video ang atong basehan aw makita man gyud nato unsa ang nahitabo.

Gani madungog pa man ang conversation sa mga staff nga nagkanayon “ah danag naman lang na!” nagpasabot nga hapit na mamatay.

Apan gipadayag ni sa Provincial Health Office nga giatiman kuno sa mga staff ang pasyente apan ang na videohan lang kadtong nag break kadyot ang mga staff kay lagi mangluwa naman ang pasyente.

Gani giandam naman nila kini aron dad-on sa siyudad apan naabtan gyud sa iyang kamatayon.

Sa habig sa PHO wala silay nakitang lapses sa pag- manage sa mga doktor sa pasyente.  Apan gisuspenso nila ang tulo ka nurse tungod sa kalapasan sa data privacy sa pag-video og pag-upload sa video.

Mao kini ang sa side sa PHO apan dunay niingon nga dili man ang hospital staff ang nag-video kondili usa ka tawo nga dili taga hospital.

Ambot unsay tinuod, hinoon mihimo man og imbestigasyon ang Commission on Human Rights sa isyu, unta mao kini maghatag og katin-awan sa mga pagduda kon naa bay palpak ang mga staff sa maong tambalanan.

 

GIPASAGDAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with