Inutil
Inutil
LINTUNGANAY - Fred P. Languido (Banat) - February 17, 2019 - 12:00am

Dili na bag-o ang mga pasangil sa ka inutil batok sa mga pampublikong tambalanan. Dili na sab maihap sa tudlo ang mga reklamo nga atong nadunggan sa ilang pagpasagad nga miresulta gyud og kamatayon sa mga kabus nga pasyente.

Karong bag-o sentro na sab sa kontrobersiya ang Tuburan District Hospital, usa sa  mga tambalanan nga gipanag-iya sa Probinsiya sa Sugbo, tungod sa video nga mikatap sa social media nga nagpakita sa usa ka nagkadugo nga lalaki nga nag-alindasay tungod sa mga samad pinusilan. Ang pasyente nailhan nga si Jimby Casas, 23, usa ka gidudahang drug pusher. Napusilan siya sa kapolisan niadtong Pebrero 8 human gikatahong nisukol atol sa buy-bust operation.

Diha sa video makita ang lalaki nga nagpangab-ot, daw sa nagpakiluoy nga siya atimanon. Apan way bisan usa sa mga staff sa tambalanan ang mitabang niya. Basi sa report, namatay gyud niadtong gabhiona ang pasyente.

Tungod sa hitabo, gisuspenso sa Cebu Provincial Health Office (CPHO) ang tulo ka mga nurse sa tambalanan. Apan ang hinungdan dili tungod kay wala nila atimana ang pasyente kun dili tungod sa pagkuha og video ug pag-upload niini sa internet.

Si Dr. Rene Catan, pangulo sa CPHO, mihimakak nga wala atimana ang pasyente. Wala lang kuno makuha sa video ang pag-atiman niya. Ang hinungdan nganong iyang gisuspenso ang tulo ka nurse tungod sa pagkuha og video ug pag-upload niini. Diin matud niya kalapasan sa lagda sa privacy sa pasyente.

Ang video dili mamakak. Kita sa video nga igo lang gitan-aw sa mga nurse ug doctor sa tambalanan ang pasyente. Mamahimong sayop ang gihimo sa nurse nga nagkuha sa video, apan alang nako angayang pasalamatan ang iyang kadanghag tungod kay nahibaw-an sa kadaghanan ang tinuod nga kahimtang sa tambalanan.

Busa inay tapin-an ang tagdumala sa tambalanan, angayang ipaubos ni Catan sa imbistigasyon tanang doctor ug nurses nga nag-duty niadtong higayona, apil na ang hospital administrator.

Notado na ang Tuburan District Hospital sa ilang kainutil. Nahinumdom pa mo sa kaso sa usa ka magtutudlo nga si Hazel Relavo?

Namatay ang maong magtutudlo niadtong 2015 tungod sa pagpasagad sa mga tinugyanan sa mao gihapong tambalanan. Ilang gihatagan og expired nga insulin ang pasyente hinungdan nga naglisod ni og ginhawa hangtud nga namatay.

INUTIL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with