Kompaniya wa mohatag og mga benepisyo

Dear Atty. Divine,

Nagtrabaho ko sa usa ka company sud na sa siyam ka tuig. Below minimum ang akong sweldo og wa pa gyuy SSS, PhilHealth og Pagibig. Wa sad koy overtime pay  and holiday pay. Ako na gisultian ang akong amo nga iya kung iapil sa SSS, PhilHealth og Pagibig aron sad maka avail ko sa mga benefits niini apan sige lang siya og saad. Gipul-an nako sa akong employer og plano unta nako nga moundang nalang sa trabaho. Ang akong pangutana  kon mo-resign ko makadawat ba ko og separation pay? Unsaon nako pag-claim sa akong mga benefits  nga di man gyud mohatag akong employer? Daghang salamat.— Erwin

Dear Erwin,

Kon mo-resign ka sa trabaho di gyud ka makadawat og separation pay kay  ikaw man ang miboluntaryo sa pagbiya. Apan kining wa paghatag sa imong employer sa mga benefits sama sa SSS, PhilHealth, Pagibig, overtime pay ug holiday pay, ug below minimum nga sweldo pulos kana mandatory ubos sa balaod ug mapugos gyud ang imong employer sa paghatag niana kay wa gyud siyay lutsanan niana. Ang maayo nimong buhaton mao ang pagpasaka og  reklamo ngadto sa DOLE batok sa imong employer. Ayaw kahadlok kay kanang gibuhat sa imong employer kalapasan kana sa balaod og ang DOLE na ang mopatawag sa imong employer alang sa usa ka conference. Ang DOLE  na sad ang mo- compute sa bayranan sa imong employer nganha kanimo sud sa 9 ka tuig nimong pagtrabaho nga way benefits. Kun di na gyud ka ganahan nga motrabaho sa imong employer mamahimo sab nga mo-resign ka apan kinahanglan gyud kang mopasaka og reklamo aron di mausik ang imong 9 ka tuig nga pagtrabaho kay makabayad man unya na siya sa kuwang nga sweldo, sa holiday pay, overtime pay ug sa imong SSS, PhilHealth ug Pagibig contributions. Thanks and God bless.— Atty. Divine

* * *

Alang sa inyong pangutana, ipadala lang pinaagi sa email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.