Travel warning
SAKSAK SINAGOL - Lucky Malicay (Banat) - February 11, 2019 - 12:00am

Gilibkas na sa kagamhanan sa United Kingdom ang travel advisory niini alang sa southern Cebu.

Nagpasabot kini nga layo na sa kakuyaw ang mga British citizens kun mobisita na sila sa mga lungsod sa Badian, Oslo ug Dalaguete.

Maayo kini nga development alang sa sektor sa turismo sa lalawigan sa Sugbo.

Dako kini og ikatabang sa kampanya sa Kapitolyo ug lokal nga mga kagamhanan pagdani og dugang pa nga mga turista.

Kahinumdoman nga dali nga nakaanunsiyo ang gobiyerno sa UK og bag-ong travel advisory human sa dugoong mga pagpamomba sa Roman Catholic Cathedral didto sa Jolo sa probinsiya sa Sulu duha ka semana na ang nakalabay.

Ang maong mga pagpamomba mipatay og subra sa 20 ka tawo ug miangol og usa ka gatos ka laing biktima. Ug wala nay laing nagpaluyo sa maong insidente kondili ang teroristang Abu Sayyaf, ang utok sa mga daghang pagpamomba didto sa Mindanao.

Hinuon angay usab nga pasalamatan ang atong lokal nga mga opisyal sa ilang paningkamot pag-awhag sa kagamhanan sa Britanya paglibkas sa travel warning.

Kini gumikan usab sa lig-on nga seguridad nga gipatuman sa militar ug pulisya.

Usa na niini si Presidential Assistant for the Visayas Michael Dino kinsa maoy nangunay pagtigum sa mga lokal nga opisyal, kasundalohan ug kapolisan aron pagtuki og mga paagi alang sa pagpakusog sa sigurodad sa kalungsoran sa southern Cebu.

Karon nga gibakwi na sa UK ang travel advisory niini alang sa southern Cebu, angay lamang usab nga maningkamot ang otoridad pagpakusog sa siguridad sa kalungsoran didto.

Kini aron usab pagpakita nga seryoso sila sa ilang pagprotehir sa Sugbo batok sa unsa mang hulga sa terorismo.

Ug angay nga magpadayon kining higpit nga siguridad aron nga dili na masubli pa ang travel advisory. Lisod na nga malutson pa pag-usab og negatibong warning ang Sugbo.

Bisan pa kon unsa ka lig-on ang siguridad sa Sugbo, mabaliwala lamang kini kon malutsan gihapon ang lalawigan og travel advisory.

TRAVEL WARNING
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with