Diha sa pagka-manggihatagon

Unsay nakapahimo sa tawo nga malipayon? Ang tubag mao ang iyang pagkamanggihatagon. Dili lang sa bisan unsa nga iyang nahuptang bahanding materyal kondili apil na niini ang iyang kaugalingong panahon.

Kun ang tawo mahinungdanon alang nimo, nan maantigo kang mohatag sa imong panahon. Dili gyud unta himuong rason ang ka busy aron dili ta mogahin og panahon. Ang pagkamanggihatagon kinahanglanon kaayo aron makita nimo ang imong dapit diha sa katilingban.

Nga diha diay sa panghatag nakita nimo ang imong kaugalingong kakulangan ug kay may kulang man kita, kinahanglan kita mohatag ug mopaambit kay kita mismo ang hinatagan man sa kahitas-an.

Ang Dios manggihatagon busa walay rason nga kita dili maantigong mopaambit sa bisan unsa nga nia kanato.