Makapahinuklog pinulongan ni Vidal
JAV, BANATI! - Javier Tapulado (Banat) - January 27, 2019 - 12:00am

Bisag masakiton na siya ug gi-wheelchair, mibati gihapog kabaskog si anhing Cebu Archbishop Emeritus Ricardo Cardinal Vidal sa pagpakigkita, agig courtesy call, sa bag-ong napiling Presidente sa Pilipinas Rodrigo Roa Duterte  didto sa Malacañang Palace niadtong tungatungang bahin sa Hulyo 2016.

Ambot kon unsay naa sa panagway ni Cardinal Vidal, nga dihang nakita niya si Duterte, maora mag nakakitag Ginoo ang isog nga presidente, kinsa hinay’ng miyukbo atubangan sa suloguon sa Diyos ug mihawok sa palad niini?

Medyo natandog ang cardinal sa matinud-anong taras nga gipakita ni Tatay Digong niadtong tungora, diin iyang naobserbaran sa personal ang kahabog diay sa gitas-on sa respeto ang ihatag sa presidente sa Pilipinas ngadto sa tawo nga iyang gitahod. Ultimo ang duha ka tudlo sa taknaan, daw mihunong makadiyot. Nakurat! Ingon sa dili makatuo sa unsay ilang nakita.

Gipangutana ni Cardinal Vidal si Duterte kon nganong miyukbo man siya ni cardinal, unya mihawok pa gyod sa kamot.

“Dili ba, dapat, ako ang moyukbo nimo ug moamen kay ikaw god ang kinatas-ang lider namo dinhi sa Pilipinas?” Puno sa kakalma ang panuni sa tingog sa cardinal pero mituhop kini ngadto sa kinahiladmang kasingkasing ni Duterte.

Ug maila ang kalantip niini diha sa tinubagan ni Duterte, kinsa miingon: “Dili ako ang angayan. Ikaw…ikaw ang mas taas nako kay cardinal god ka. Kutob ra sa 6 ka tuig ang akong pagka presidente. Samtang ikaw, cardinal…forever. Busa, ikaw ang angay yukboan ug hagkan sa palad.”

Pagkanindot nga engkuwentro sa duha ka dagkong lider sa nasod ug sa simbahan, kinsa wala gyoy miangkon nga usa nila maoy kinatas-an o kinahawran, kondili, nag-iyahay’g ladlad sa ilang gipuy-ang pagpaubos niadtong yugtoa. Ug nadawat nila ang kinatas-ang respeto sa usag-usa nga makuha dili diha sa pagkamapahitas-on, kon dili, diha sa birtud sa pagpaubos.

Sanglit matod pa sa Luke 14, berso 11: “Kay kinsa kadtong magpahitaas sa kaugalingon, ipaubos. Ug kadtong magpaubos, ipataas.”

Si Cardinal Vidal taudtaod nang mibiya kanato. Apan ang mga pinulongan nga iyang gipabuhagay atubangan ni Duterte, grabe ka makapahinuklog ug kini magpabiling buhi sa kasingkasing sa presidente.

Aduna pa kahay mga bishops ug kaparian nga puparehog kinaiya ni Cardinal Vidal, no?

VIDAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with