Maayong Bag-ong Tuig
LABTIK - Alan Domingo (Banat) - January 1, 2019 - 12:00am

Tugoti nga akong ipaabot diha kaninyo ang akong pagtimbaya uban sa akong tibuok pamilya sa usa ka mabulokon ug usa ka malipayong pagsugat ning tuig 2019.

Sa akong mga taga sunod sa akong lindog ning pamantalaan nga Banat News ug sa akong mga taga sunod sa akong programa sa DySS Super Radyo Cebu matag alas 5:00 - 6:00 sa buntag ug alas 6:30 - 9:00 sa gabii maayong bag-ong tuig kaninyong tanan.

Base sa kalendaryo sa mga Insik, ang tuig 2019 mao ang tuig sa mga baboy.

Ang Baboy mao ang ika dose sa tanang zodiac nga mananap.

Sigun sa usa ka myth, ang Jade Emperador miingon nga ang hanay pagahukman base sa hanay sa ilang pag-abot sa iyang party.

Ang Baboy nalangay sa iyang pag-abot tungod kay nakahinanok sa iyang pagkatulog. Pero ang laing estorya nagkanayon nga giguba sa wolf ang balay sa Baboy maong iya pa kining giayo sa wala pa kini molakaw alang sa iyang pagtambong sa party nga gipatawag.

Apan siya ang kataposan ug ika dose sa mga miabot.

Sa kultura sa mga Insik ang Baboy nagkahulogan og bahandi o kaadunahan.

Ang tambok nga dagway o aping sa baboy ingon man ang iyang dako nga dalunggan nagkahulogan usab kini og kaayohan o fortune.

Ang Baboy adunay matahom nga personalidad ug bulahan tungod kay puno kini sa mga kaayohan sa kinabuhi.

Kun tinuod man ugaling kini, makaingon ta nga maayo diay ang nagpaabot nato ning tuig 2019.

Apan ang mga pangagpas nga giingon sa mga Insik sa ilang kalendaryo dili mahitabo ug dili matinuod kun dili ka molihok ug maningkamot aron moasenso ka sa kinabuhi.

Sa laktod, may Baboy man o wala, may pangagpas man ang mga Insik sa ilang kalendaryo o wala, ikaw ra gihapon ang maghimo og direksyon sa imong kinabuhi.

BAG-ONG TUIG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with