Disiplina sa karsada
LINTUNGANAY - Fred P. Languido (Banat) - December 23, 2018 - 12:00am

Nganong kalit nahilom ang kampanya sa bag-ong namugna nga inter-agency council pagpatunhay sa dagan sa trapiko dinhi sa Metro Cebu?

Karon mas labaw’ng gikinahanglan ang ilang serbisyo tungod sa grabing suliran sa trapiko.

Kagahapon didto mi sa dakbayan sa Danao alang sa reunion uban sa among klasmeyt sa kolehiyo.

Ang Danao nga makuha lang og usa ka oras nga biyahe gikan sa dakbayan sa Sugbo, miabot og upat ka oras. Nagsugod ang problema sa trapiko diha sa Mandaue hangtud na sa Consolacion lahos sa Liloan. Miluag og dyutay pag-abot sa Compostela apan nibalik og huot sa Sabang, Danao tungod sa giayo nga karsada.

Pipila sa akong naobserbahan nga problema mao ang kakuwang og traffic enforcers nga mobadlong sa mga abusado nga drayber.

Nisamot og kahuot ang trapiko tungod kay daghan sa mga drayber kuwang og disiplina.

Ang mga drayber nga mosugat sa linya maoy nakapasamot sa problema.

Way enforcers nga makabadlong busa migara ang mga kanahan. Dunay mga tanod akong nakit-an sa kadalanan apan dili sila takos nga kahadlokan sa abusadong mga nagmaniho.

Gikinahanglan gyud ang mga sakop sa highway patrol group ug Land Transportation Office. Nalipay na unta ko nga natukod ang I-ACT dinhi sa Sugbo apan nganong kalit silang nahanaw human sa pipila ka adlaw nilang pagsalida.

Hinaot maoy tutukan sa LTO ang pagpanakop sa mga abusado nga drayber sa kadalanan labi niining panahon sa kapaskohan inay nga magpakatap og mga bus alang sa libreng sakay.

Dili ni maoy gikinahanglan sa publiko kun dili ang pagpatun-aw sa disiplina sa karsada.

KARSADA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with