Sayon nga lansis
LINTUNGANAY - Fred P. Languido (Banat) - July 12, 2018 - 12:00am

Politika maoy labing sayon nga lansis sa mga piniling opisyal sa gobiyerno matag higayon nga sila malambigit og kontrobersiya.

Inay nga tubagon ang mga pasangil batok nila, modayon sila og palusot nga daw sa sila na hinuon maoy biktima tungod sa politika.

Ingon niini ang nahitabo ni Kapitan Niña Mabatid sa Barangay Mabolo dinhi sa dakbayan sa Sugbo.

Si Mabatid gipasanginlang nag-eskandalo sulod sa usa ka hotel dinhi sa dakbayan uban ang negosyante nga si Ramon Floresta.

Si Mabatid nanulisok ug mikasaba sa house detective sa hotel samtang ang iyang kauban misukmag ug mipatid niini.

Lakip ang babaye nga duty manager sa hotel gidagmalan sa kaubang negosyante ni Mabatid.

Matud sa house detective sa hotel nga nasuko si Mabatid dihang iyang gipangutana kon nakarehistro na ba kini isip guest.

Ang pagsita sa mga mosaka sa hotel kabahin kuno sa ilang lagda.

Apan gilain ni og sabot ni Mabatid.

Ang kapitan sa iyang bahin mipasabot nga ang hinungdan sa iyang kasuko tungod kay gidudahan siyang usa ka escort, kun babaye nga nagbaligya sa iyang dungog.

Apan lisud tuohan ang iyang pangangkon. Kini tungod kay base sa nakita sa CCTV, igo lang siyang giduol sa house detective ug iya dayon kining gitulisok.

Gawas pa klaro nga nakainom siya ug ang iyang kauban tungod kay nagsusapinday sila nga naglakaw.

Base sa affidavit sa house detective, arogante si Mabatid nga nagpaila nga siya ang kapitan sa Mabolo. Gawas niini giingon nga nagpunay pa gyud kinig hisgot og opisyal sa Malakanyang nga daw sa nanghudlat nga suod siya sa mga gamhanan.

Lisud ang ingon niini nga batasan kon makahupot og dako nga posisyon sa gobiyerno.

NIñA MABATID
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with