EDITORYAL – Sipyat sa LTO
Rene U. Borromeo (Banat) - May 2, 2018 - 12:00am

Niabot gyud sa Malacañang ang reklamo kabahin sa mga driver nga mokolekta og mahal kaayong plite gikan sa mga tawo nga mosakay sa ilang sakyanan. Giaksiyonan dayon sa kadagkoan sa Land Transportation Franchising ang Regulatory Board (LTFRB)-7 ang kamandoan gikan sa Office of the President ug nadakpan ang nagmaneho sa colurum nga sakyanan nga nag-operate sa airport sa Tagbilaran City.

Nadakpan man tuod ang duha ka sakyanang colurum, apan mahimong magpadayon ra gihapon sa ilang ilegal nga kalihukan ang ubang nag-operate og colurum nga sakyanan sa Tagbilaran, ingon man sa ubang mga dapit dinhi sa rehiyon, kay limitado lang ang mga sakop sa LTFRB, nga ania ra sila dinhi sa dakbayan sa Sugbo magbase.

Angay unta nga ang mga sakop sa Land Transportation Office (LTO) maoy mangusog sa paghimo og kampanya aron dakpon ang mga colurum nga sakyanan, ug kadtong modemanda og mahal nga plite nga dili nila gamiton ang metro sa taxi. Daghan kaayo og opisina ang LTO nga nagkatag sa lainlaing dapit sa rehiyon, ug sila ang angayang mohingusog sa pagpanakop.

Ang nakaproblema lang kay ang kadagkoan sa LTO nagpadiki-diki sa paghatag og pagtugot nga ang mga kaswal nga kawani maapilon nila sa pagpanakop ug hatagan og Temporary Operators Permit (TOP). Ang paagi karon sa kadagkoan sa LTO nga kadto ra’ng mga regular nga kawani maoy tugotan nga makapanakop og mga masalaypong driver.

Kay nagkuwang man ang LTO og mga regular nga kawani, daghan man sa ilang mga kawani ang mga kaswal, nagpasabot nga dili sila katugotan nga makapanakop. Ingon usab niini ang sitwasyon sa mga traffic enforcers sa lainlaing Local Government Units (LGU) nga dili gayud kaisyuhan og TOP kay sila mga kaswal man. Kining maong pamaagi sa LTO ang angay’ng usbon aron molambo ang ilang kampanya batok sa mga malapason sa balaod sa transportasyon.

EDITORYAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with