EDITORYAL - Unahon Ang Pagpalapad
Rene U. Borromeo (Banat) - April 24, 2018 - 12:00am

Ang kapalaran sa plano ni Mayor Tomas Osmeña nga magpadagan og Bus Rapid Transit dinhi sa dakbayan sa Sugbo anaa na sa mga kamot sa Investment Coordination Committee sa National Economic Development Authority (NEDA). Lain kining sukdanan kon kinsa kanila ni Osmeña ug Presidential Assistant for Visayas Mike Dino ang mas gamhanan.

Silang duha si Dino ug Secretary Arthur Tugade sa Department of Transportation (DOTr) maoy mipirma sa suwat nga gipadala sa NEDA-ICC nga nag-awhag nga dili na ipadayon ang pagmugna og BRT dinhi sa dakbayan sa Sugbo kay imbes makasulbad sa problema sa trapiko, makapasamot na gyud hinoon sa problema.

Husto si Mayor Osmeña nga anugon kaayo kon dili pahimuslan kining maong P16 bilyones nga BRT project nga wala gyu’y gasto ang dakbayan sa Sugbo kay ang nasudnong kagamhanan man maoy mobayad sa huwam gikan sa World Bank. Apan husto usab ang baruganan sa mga misupak nga ipatuman kining maong proyekto sa pagka karon, nga wala pa mapalapdi ang mga karsada nga agian sa BRT.

Dunay mga karsada dinhi sa dakbayan sa Sugbo nga anha unta paagion ang BRT nga giisip nga “major roads” kay wala’y laing agianan ang mga motorista paingon sa dapit nga ilang adtoan. Sama sa dalan Escario nga “four lanes” lang, gitan-aw nga mosamot gyud ang traffic diha kon kuhaon ang duha ka lane sa tunga sa karsada aron himoong exclusive lanes para sa BRT.

Bisan na gani ang Natalio Bacalso Avenue, Osmeña Boulevard, ug Governor Mariano Cuenco Avenue nga mga lapad kaayong karsada, kanunay’ng makasinati og problema sa trapiko bisan karon nga wala pa ibani ang unom niini ka lanes. Kon ibanan og exclusive lanes para sa BRT, sigurado nga mosamot ang problema, ilabi na karon nga mosamot na kadaghan ang mga sakyanan.

Ang BRT makatabang pagsulbad sa problema sa trapiko, apan unya na kini angay’ng ipatuman kon napalapdan na ang mga karsada nga paagian sa mga bus aron nga dili mosamot ang problema sa mga sumasakay.

NEDA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with