Palusot ni Arcilla
LINTUNGANAY - Fred P. Languido (Banat) - April 19, 2018 - 12:00am

Higpit kaayo ang lagda nga nagdili sa paggamit sa mga sakyanan sa gobiyerno sa personal. Daghan na sa mga opisyal ang nakompromiso tungod sa paglapas niining maong lagda.

Apan luyo sa kaestrikto, daghan pa gihapon sa mga opisyal ang mosupak. Labing uwahing nasakpan paglapas niini mao si Cebu City Councilor Alvin Arcilla.

Nasakpan si Arcilla sa ilang mga kaatbang sa politika nga migamit sa Toyota Grandia nga gi-issue sa dakbayan ngadto kaniya atol sa adlaw’ng Domingo.

Wala unta ni problema og dinhi lang sulod sa dakbayan sa Sugbo tungod kay ang iyang pagka opisyal dili man matapos panahon sa weekend. Apan didto sa Safari Park sa lungsod sa Carmen nakit-i ang sakyanan.

Giangkon ni Arcilla nga siya maoy migamit niini ug didto siya sa Carmen alang sa usa ka official business.

Nagtuon kuno siya giunsa pag-develop ang maong dapit aron iyang sundon dinhi sa dakbayan sa Sugbo.

Pero nganong kuyog man nimo ang imong anak ug ang mga classmate niini?  Kanus-a man sila nahimong miyembro sa imong komitiba sa konseho?

Kataw-anan ang palusot ni Arcilla tungod kay nakalimot siya nga gisirad-an man gani sa dakbayan ang city zoo.

Dili ba ato man nga gisiradoan ang atong kaugalingon nga zoo ug gipanghatag ang hayop niini didto sa Negros kay dili na maka-afford ang dakbayan pagbuhi nila?

Unya, karon nagtuon si Arcilla giunsa pag-develop ang pribado nga zoo sa mga Lhuillier didto sa Carmen aron iyang kopyahon? Wala ka kuyapi?

Unya, siya pa’y arogante nga manghagit nga magpakiha. Pastilan, ingon na ba niini ang matang sa atong mga opisyal sa pagkakaron?

Dili na ba gyud sila makamao maikog sa katawhan? Matud ni Arcilla kon personal pa kuno ang maong lakaw iyang kaugalingon nga sakyanan ang gamiton niya.

Mao unta ni ang husto niyang gihimo. Apan mas nindot man gud gamiton ang sakyanan sa gobiyerno tungod kay dili imong bago kon maguba, ug dili sab imong gasto ang gasolina.

ALVIN ARCILLA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with