^

Banat Opinyon

Dili unahon ang pagpanghipos

AMBOT LANG - Gerry Auxilio - Banat

Base sa talaan sa Bureau of Fire Protection (BFP-7) mokabat sa 82 ka sunog ang niulbo ug milamoy sa mga kabtangan gikan sa Marso 1 ngadto sa Marso 25, karong tuiga.

Ang maong mga sunog nagbilin og mga P6.7 milyones nga danyos. Sa 82 ka sunog, 24 niini ang miigo sa dakbayan sa Sugbo, 24 usab ka sunog ang miulbo sa lalawigan sa Sugbo, 11 sa dakbayan sa Mandaue, lima sa Lapu-Lapu, ug 18 sa uban nga mga lalawigan sa rehiyon 7.

Base sa talaan, ang dakbayan sa Sugbo maoy labing daghan og sunog dinhi sa rehiyon, ug sagad niulbo sa mga dapit nga naghuot ang kabalayan nga hinimo ra sa mga dali maduktan og kayo.

Hinuon, bisan og ang dakbayan sa Sugbo maoy labing daghan og sunog, apan mikabat lang sa P169 mil ang kadaot nga gibilin niini tungod kay matud sa city fire marshall dali ra nilang napawong ang mga sunog.

Ang labing dako nga sunog nga miigo sa rehiyon 7 mao ang sunog didto sa Taloto, Tagbilaran City sa Bohol diin nagbilin kini og kadaot nga mokantidad og P2 milyones.

Dili lalim ang bation sa mga nasunogan kay samtang maanugonan sila sa ilang mga butang nga nahimo na lang abo, apan gastuso gayud kaayo ang pagpatukod og bag-ong panimalay.

Mao nga magmatngon ug magmabinantayon gayud kita, ug angay nga kitang katawhan manginlabot gayud aron malikayan ang sunog.

Dili sa tanang higayon nga kon may sunog anaa dayon ang kabomberohan, mao nga kitang katawhan angay’ng maghiusa gayud sa pagtinabangay pagpawong sa sunog, dili kay unahon ang pag-iyahay paghipos sa mga butang ug pasagdan ra ang nagsilaob nga kayo.

BUREAU OF FIRE PROTECTION

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with