EDITORYAL - Hakog og salapi
Rene U. Borromeo (Banat) - March 14, 2018 - 12:00am

Kon ang kahakog sa salapi maoy mopatigbabaw sa mga kongresista ug senador, sigurado nga maningkamot gayud sila nga dili madayon ang barangay elections nga gitakda na karong Mayo 14. Daghang opisyal sa barangay ang gusto nga idayon gyud ang eleksiyon aron kahatagan og higayon ang katawhan pagpili sa ilang mga opisyal.

Kadtong mga kongresista nga hakog ug mahadlok nga maibanan ang ilang tinigum nga salapi maoy gusto gyud nga mauswag ang piniliay. Sigurado man nga kadtong mga lider nila sa kabarangayan nga mitabang kanila sa ilang pagpapili sa katungdanan, daghan kanila ang molansar og pwesto sa barangay ug mangayo na kanila og suporta.

Husto gyud ang baruganan ni Mayor Tomas Osmeña nga wala mahadlok nga siya makagasto kon gikinahanglan, para sa iyang mga lider nga gustong mohupot og puwesto sa barangay. Wala usab masayop ang presidente sa Association of Barangay Councils (ABC) dinhi sa dakbayan nga si Konsehal Philip Zafra nga gusto gyud nga idayon ang eleksiyon.

Klaro man kaayo nga ang gustong mauktaba ang eleksiyon sa barangay mao ra kadtong mga opisyal sa kabarangayan nga tapolan kay mahadlok man sila nga mailisan sa pwesto. Nindot unta kon si Presidente Duterte momando sa mga kongresista nga dili na lang mangandoy sa pagpauswag sa piniliay.

Kon si Presidente Duterte maoy momando sa pagpauktaba sa eleksiyon sa barangay, matuman gyud kay kinabag-an sa mga magbabalaod sa Kongreso ug Senado iya man nga mga kaalyado nga andam motuman sa iyang kagustohan.

Dili ikalimod nga ang katawhan karon gusto na gyud nga adunay eleksiyon sa barangay aron nga makapili na sila og bag-ong mga opisyal kay daghan sa mga gisuportahan nila lima ka tuig na ang milabay, wala’y maayong serbisyo.

KONGRESISTA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with