Tigbak siya sa Dengvaxia
TIKDOL SA PORDOY - John Rey Saavedra (Banat) - December 7, 2017 - 4:00pm

Kinsa man gyud kanang giingong “mastermind” sa pag-ambush patay kang kapitan Imok Rupinta? Migawas kini human nadakpan ang laing usa ka suspetsado sa pagpatay kang Imok. Makit-an sa dagway sa mga suspetsado ang kalawom sa maong krimen. Ilang mga panagway makasulti nga aduna gyuy nagsugo nila.

Apan duha ka hinungdan ang gitumbok – sugalan sa video karera diha sa Ermita nga adunay koneksiyon sa mga politiko ug ang kalambigitan mismo ni Imok sa politika.

Sa dihang nadakpan ang unang suspek nga si Jimmy Largo, migawas sa iyang baba nga adunay nagsugo kaniya nga usa ka “kanhi konsehal sa barangay” aron ipapatay si Imok, apan wala siya mosugot.

Kinsa man kining konsehala? Aduna ba kini igo nga “resources” nga ikabayad aron ipapatay si Rupinta? O may mas taas pa ning maong konsehal nga maoy nag-drawing sa kamatayon ni Imok.

Angayang dili mahadlok ang kapolisan sa pagsulti sa tinuod kay kon magpadala sila sa paglugaw sa imbestigasyon, dili mahatag ang hustisya sa kamatayon sa kapitan.

* * *

Kining kontrobersiya karon sa anti-dengue vaccine program gamit ang tambal sa Sanofi Pasteur nga Dengvaxia, magsulti unsa kalapad ang kurapsiyon sa pamunoan ni kanhi presidente Noynoy Aquino.

Balor og P3 bilyones ang nabayad sa gobiyerno sa Pilipinas ngadto sa Sanofi. Mga 700,000 na ka bata ang nabakunahan, apan nahibaw-an nga wala pa diay kini aprobahi sa World Health Organization ug anaa pa diay kini sa ‘stage’ sa pagtuon kon epektibo ba kini, samtang wala pa malatid unsay mga gidili niini ug unsay daotang epekto.

Kitang mga Pilipino gihimo ra gyud nga mga “guinea pig” kay ang atong mga bata maoy gihimo nilang “subject” sa research.

Hain man ang “informed consent” nga gi-require sa mga clinical research? Aduna bay mapakita ang Sanofi? Kon wala, dako kining kalapasan sa ethical standard sa social ug medical research, ug angay manubag ang mga researcher nga maoy nag-monitor sa pagtuon dinhi sa Pilipinas.

Angayang patubagon si kanhi Health secretary Janette Garin ug si Noynoy Aquino. Si Noynoy mismo ang nangunay pakig-estorya sa Sanofi. Gilargahan gyud niya didto sa Paris sa Disyembre 5, 2015, ug giaprobahan isip vaccination program sa Pilipinas sa Disyembre 21 sa samang tuig.

Sa kapaspas sa pag-aprobar, diha makit-i ang kamot ni Noynoy. Wala kaha’y kickback kadtong mao nga transaksiyon? Wa ba kaha gamita sa 2016 election, kon naa man? Kon gitugotan kini ni kanhi Health secretary Paulyn Ubial nga makapadayon ang Dengvaxia bisan nasayod na siya nga wala kini pagtugot sa WHO, angayan siyang manubag niini.

May mga grupo na nga mibahad og class suit. Ipadayon kana. Apan ang maayong aksiyon sa gobiyerno mao ang pagbawi sa P3 bilyones nga gibayad sa Sanofi nga gikan sa buhis sa mga Pilipino.

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with