Brgy Basak, Mandaue City
MR. BARANGAY - Jun Veliganio (Banat) - August 21, 2017 - 4:00pm

Hangyo lang unta kami nga susihon kining Rajah Town Homes kay ang hugaw nila ari man paingon sa among mga balay sa likud nga bahin unya  baho pa g’yud kaayo.

Brgy Cambaro, Mandaue City

Dugay na kaayo kami nga nag-antos sa baha diri sa Sitio Ampalaya. Kanus-a man intawon kini ipaayo nga dugay na man kaayo kining problemaha.

Brgy Pardo, Cebu City

Amo lang ireklamo kining nagtrabaho diri sa among health center kay magsige man og pangasaba sa ilang pasyente. Wa g’yud kini sila klaro nga serbisyo. Naa’y usa diha alas 10 pa lang, molakaw na kay magkuha sa iyang anak sa eskwelahan.

Brgy Dumlog, Talisay City

Diri sa Phase 1 Deca Homes daghan man kaayong mosulod diri nga dili residente. Daghan kaayo nangawagtang diri nga mga gamit kay gipangkawat niining mga manulod diri nga mga tawo.

Brgy Bulacao, Cebu City

Dugay na g’yud kini namong problema ang mga habal-habal diha sa may Prince Warehouse kay wala may lisensya ang mga driver, unya wala sa’y rehistro ang ilang mga motor. Gipasagdan ra man ni sa mga opisyal sa barangay.

Brgy Mangoto, Pinamungajan, Cebu

Hangtud karon wala pa man g’yud ayoha kining taytayan namo diri. Upat na man ka tuig ang nakalabay pero wala g’yud mohimo’g aksyon ang taga DPWH niining problemaha.

Brgy Tisa, Cebu City

Sikat na man kaayo ang siomai diri sa among barangay pero nakahatag sab og dakong purhisyo sa mga sumasakay kay matrapik na man pirme kay ang mga maninda, magpatunga man sa karsada mao nga dili dayon kalusot ang mga sakyanan.

Brgy Nasingin, Jetafe, Bohol

Diri sa among isla kay daghan kaayo ang ilegal nga kalihukan unya ang nagpasiugda pa g’yud mao ang mga tawo sa opisyal namo sa barangay. Wala na’y tarong balaod diri kay miabuso na kining mga tawo sa among mga opisyal.

Brgy Cogon, Liloan, Cebu

Ireklamo lang namo ang karsada diri nga gubaon kay wala man g’yud ayoha, daghan na kaayong mga libaong. Maayo unta og maatiman kini kay daghan na kaayong nadisgrasya nga mga motorista.

Brgy Tominjao, Daan Bantayan, Cebu

Naunsa na man kining among public high school diri nga kada examination pabayron man ang estudyante og tag P150. Dili man sila maluoy sa mga estudyante nga mga pobre, ila man hinoon nga pangwartahon og maayo.

Brgy Lorega-San Miguel, Cebu City

Ang traffic light diri sa eskina upat na ka tuig nga naguba pero hangtod karon wala pa man g’yud ayoha. Daghan na kaayong nadisgrasya nga sakyanan dihang dapita kay magpaugatay man lang ang mga motorista.

 Alang sa inyong mga reklamo text lang sa 09083006702

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with