Baratong ‘penalty’ sa basura’s Korea
TIKDOL SA PORDOY - John Rey Saavedra (Banat) - March 13, 2017 - 12:00am

Gibundakan og P300 mil nga penalty ang importer niadtong 5 milyones kilos nga basura gikan sa South Korea.

Apan pagbasa nako sa balita, nakugang ko nganong P300 mil lang ang penalty nga gihatag sa Environmental Management Bureau-7 batok sa Moving Forward Global Forwarding Inc. nga usa man ka barko nga basura sa South Korea ang gi-import sa maong consignee.

Unsa may gibasehan sa EMB-7 sa P300 mil?

Lain nakong gidudahan nganong gidalidali sa EMB-7 ang pagpakanaog og desisyon paghapak og penalty sa maong kantidad. Nahibulong ko kay wala’y imbestigasyon ang EMB-7 kun kapila na buhata sa Moving Forward ang pag-import og basura gikan sa South Korea.

Kinsa man nga dakong lokal nga opisyal ang gitapin-an sa EMB-7?

Sa pagkakaron, bugtong mga opisyal sa Bureau of Customs lamang ang gidudahan nga adunay “kamot” niining Korean trash nga gibiyahe karga sa barko gikan sa Jeju, South Korea ug naabot sa Cebu International Port niadtong Enero 20.

Apan dili ko motuo nga wala’y laing mga opisyal nga nagpaluyo niining maong transaksiyon.

Dili usab ko motuo nga mahitabo kining kontrobersiyal nga transaksiyon kun wala’y mga Koreano nga nia na dinhi sa Sugbo nga nalambigit sa pag-import ning mga wood chips ug recyclable (kuno) plastic resins. Wala’y Sugboanong negosyante o smuggler o opisyal sa gobiyerno nga motabang pagpaabot sa MV Christina kun wala’y Koreano nga nag-apil-apil niini. Kun naa, kinsa man na?

Dili usab ko motuo nga mga taga-Customs lamang ang naninguha nga makapadunggo og usa ka barko nga wala’y negosyante o lokal nga opisyal nga nag-backup sa mga Koreano.

Kining mga puntoha nga akong gihisgutan wala gyu’y nangahas sa pag-imbestigar.

Wala hinuon ko makahibalo kun apil ba sa trabaho sa EMB-7 ang pagsusi sa mga personalidad nga nalambigit niining maong baho nga transaksiyon.

Apan para kanako, alkanse ang Moving Forward Global Forwarding Inc. (kay bisan sa ngalan niini kaduha mo-forward) dili gyud kini moabante (forward) pagtabang nga makadunggo ang MV Christina kun wala’y impluwensiyadong mga opisyal nga nagpaluyo niini.

Samot na kun aduna unya’y pamitayon sa Run After The Smugglers kon RATS sa Department of Finance nga mga opisyal ug empleyado sa customs sa Cebu kun wala’y mga dagkong personalidad nga maoy tinuod nga nakakuwarta niini nga masilotan.

Adunay ngalan sa usa ka dakong negosyante nga mitumaw nga nalambigit sa maong transaksiyon. Apan lisod kaayo kini tisoron kun sa mga opisyal ug sakop sa gobiyerno nga may kasayuran sa maong baho nga negosyo dili mopiyait. Hinuon, dili pa ulahi ang tanan.

Kining P300 mil nga penalty sa EMB-7 angay kining atubangon sa consignee. Apan um-umon niya kining maong penalty hangtod wala’y lain apan dagkong personalidad nga apil niini nga dili mabitad sa kaso.

 

ENVIRONMENTAL MANAGEMENT BUREAU
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with