^

Pakigsuod nato sa Russia ug China

ARTIKULO - Machete Sioux (Banat) - January 9, 2017 - 12:00am

Daghan ang miisa ang kilay niining pakigsuod karon sa Pilipinas ngadto sa nasud sa China ug sa Russia.

Kining duha namat-an na sa mga Pilipino nga dili kakompiyansahan ug gani giisip pa sila sa uban nga mga potensyal nga mamahimong kaaway sa Pilipinas sa umaabot nga panahon.

Sukad pa kaniadto, ang Russia ug ang China nailhan lang sa mga Pilipino diha sa mga lilas o mga salida sa sine. Sagad sa mga salida, sila maoy pirmeng kontrabida ug manaogdaog.

Sa politikal nga aspeto, nabantog ang duha isip mga komunistang nasud. Karon ang Russia nahimo nang  kapitalista apan sagad sa mga lider niini sama sa ilang presidente nga idolo ni Pres. Duterte nga si Vladimir Putin produkto pa sa komunismo.

Gawas lamang sa mga taas og nakab-ot nga edukasyon, ang mga Pilipino nagtuo  nga parehas sa mga NPA ang China ug Russia nga mga berdugo sa katawhan ug nagsamok-samok sa kalinaw sa nasud.

Si  Duterte  kaniadto pa gidudahan  nga komunista,  butang nga iyang gihimakak, apan miisa gyud ang kilay sa uban sa pakig-abin niya sa China ug Russia ug  sa samang higayon gisalikway niya ang Amerika.

Ang rason ni Duterte, una, gusto niyang makaangkon ang Pilipinas og gitawag niya nga independente o gawasnon ug dili madiktarang foreign policy ang nasud.

Ikaduha, gusto niya nga makalingkawas ang Pilipinas sa pagsige og pagpanghilabot ug pag-apil-apil sa Amerika ug mga kaalyado niining mga nasud sa mga palisiya ug kalihokan sa Pilipinas apil sa paghimo og mga desisyon sa international scene.

Bisan maayo ang tumong ni Duterte, di kalikayan nga dudahan iyang motibo.

Kun buot hunahunaon, kun wala lang gyuy nagpaluyong personal nga interes si Duterte niining iyang pagbasura sa Amerika pabor sa Russia ug China, makabentaha og maayo niini ang mga Pilipino.

Ang iyang kasuko sa US ug  sa United Nations mao ang pagkuwestiyon sa kampanya sa gobiyerno batok sa illegal drugs diin daghan ang namatay.

Mahimo rang dawaton, apan basin aduna pay personal nga rason. Kung unsa gyu’y lintunganay niini, siya ray nasayod.

Samtang mao kini gitaak sa Pilipinas ubos sa iyang pagtimon, maayo sigurong duyogan ug suportahan kini sa mga Pilipino ilabi na nga naa karon sa sitwasyon ang Russia ug China nga magpahumot sa Pilipinas.

Basta sigurohon lang gyud ni Duterte nga ini og kanaog niya sa pwesto unom ka tuig gikan karon, lig-on ug independente na ang Pilipinas.

Ang makahadlok basin og mahiktan sab sa liog ang mga Pilipino sa China ug Russia tungod sa mga utang sama sa nahitabo kaniadto.

ARTIKULO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with