_banat
^

Banat Opinyon

Habeas Corpus

TINAGSIP - Vilma Andales - Banat

Sa niaging semana, niluwat ang US embassy ug ubang mga embahada sa ubang kanasuran og  travel advisories ngadto sa ilang mga molupyo nga nia sa Sugbo sa pagbantay ug kun mahimo likayan ang pagbisita sa mga lungsod sa habagatang bahin  sama sa lungsod sa Dalaguete, Oslob ug sa Isla sa Sumilon tungod sa giingong presensya sa mga sakop sa Abu Sayyaf Group nga managit og mga turista.

Ang ASG gawas nga mga bandido naila usab nga may kalambigitan sa mga international terrorist group ug naghatag kagubot sa Mindanao.

Niadtong Septiyembre nangangkon og responsibilidad ang ASG sa paglabay og bomba sa night market  sa Davao City nga nikalas og 14 ka kinabuhi ug niangol sa dul-an gatos ka mga tawo.Giingong ila kining  panimawos batok sa administrasyong Duterte sa paggukod sa ilang grupo. Nihulga pa sila og mas bangis nga mga pagpangatake.

Human sa maong pagpamomba gideklarar ni Presidente Dutere ang state of lawless violence sa tibuok nasud. Sa maong kamandoan ang mga sundawo ug polis tugtan nga makasusi ilabi na sa mga sakyanan mapribado man o pangpubliko pinaagi sa mga checkpoints, sa mga barko ug ayroplano, gikan sa mga kontrabando nga posibleng ipayuhot.

Sa state of lawless violence mas mapahugtan ang seguridad alang sa kahapsay ug kaluwasan sa mga molupyo gikan sa bisan unsang hulga sa kagubot.

Karong bag-o  gipahibaw ni Presidente Rodrigo Duterte ang posibilidad sa pagsuspenso sa Writ of Habeas Corpus kun magpadayon ug magkaagresibo ang mga hulga sa pagsabwag og kagubot dili lang sa Mindanao kun dili tibuok nasud.

Sa iyang pagpakipulong sa paglusad sa Pilipinong  May Puso Foundation  didto sa Davao City, giluwatan sa presidente ang posibilidad nunot sa matud niya nagpadayong rebelyon sa Mindanao.

Ang pagsuspenso sa Writ of Habeas Corpus nagpasabot, dili makapanghilabot o makamando ang korte ngadto sa ahensya sa gobiyerno, sama sa Armadong Kusog, PNP ug ubang law enforcement agencies sa pagpakita  sa lawas sa usa ka tawo nga ilang gidakop may basehanan man o wala.

Ang gahum sa pagsuspenso sa Writ of Habeas Corpus gitugot ubos sa Batakang Balaod ngadto sa Presidente kun ang nasud naa ubos sa rebelyon,  adunay pagpanulong sa ubang nasud ug kun gikinahanglan ang kaluwasan sa publiko.

Matud sa presidente bisan kun dili siya gusto, apan makahimo siya sa pagpadakop o pagpapunit ni bisan kinsa nga ilang dudahang responsable sa kagubot. Kini ang mas peligro ug mas delikado ilabi na sa mga inosenteng sibilyan ang mamahimong biktima sa mga pagduda, pasangil ug binuang.

TINAGSIP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with