_banat
^

Banat Opinyon

O holy door

TINAGSIP - Vilma Andales - Banat

Sa pagtapos karong tuiga sa kasaulogan sa Extraordinary Jubilee Year of Mercy, tak-opan na ang Holy Door sa St. Peter's Basilica didto sa Roma unya sa Nobiyembre 20. Gibuksan ni Pope Francis ang Holy Door sa St. Peter's Basilica atol sa kapistahan sa Immaculate Conception niadtong Disyembre 8 sa niaging tuig.

Nunot sa pagdeklarar ni Pope Francis sa Extraordinary Jubilee of Mercy, iyang gitugtan ang mga diocese ug archdiocese sa Simbahang Katoliko sa tibuok kalibutan nga motudlo og mga Holy Door atol sa tibuok tuig nga kasaulogan sa Extraordinary Jubilee of Mercy.

Dinhi sa archdiocese sa Sugbo, gawas sa Cebu Metropolitan Cathedral, may upat ka laing simbahan nga gitudlo si Arsobispo Jose Palma nga mga Holy Door. Kini mao ang Archdiocesan Shrine ni St. Catherine of Alexandria sa Carcar City, Archdiocesan Shrine ni San Vicente Ferrer sa Bogo City, Sts. Peter and Paul sa Isla sa Bantayan ug St. Joseph Parish sa San Francisco, Isla sa Camotes.

Gituyo kini aron ang mga parokyano niining lagyo nga mga dapit dili na kinahanglan nga moadto pa sa Cebu Metropolitan Cathedral aron makapahimulos sa plenary indulgence sa pagsulod sa Holy Door. Ingon usab niini ang katuyoan nga gihimo sa Santo Papa, sa pagtugot nga mabuksan ang dagkong mga basilica o simbahan sa tibuok kalibutan, aron dili na kinahanglang moadto pa sa Roma ang mga tawo, makasulod lang sa Holy Door.

Si Pope Boniface V111 maoy nagsugod sa tradisyon sa Holy Year kon Jubilee niadtong 1300. Matag 25 ka tuig kining saulogon sa Simbahang Katoliko. Usa sa labing dagkong kalihukan sa Holy Year mao ang pilgrimage didto sa Roma ug ang ritwal sa pag-agi sa Holy Door isip simbolismo sa pagtahod sa presensya sa Ginoo ug pagpapas sa silot sa mga sala sa usa ka pilgrim, kon ang indulhensiya.

Apan maangkon lang ang indulhensiya sa pagsulod sa Holy Door kun makakompisal, makakalawat ug mag-ampo alang sa mga intensyon sa Santo Papa.

Dinhi sa Sugbo, tak-opan ang Holy Door sa Cebu Metropolitan Cathedral karong adlawa, usa ka semana sa dili pa tak-opan ang Holy Door sa St. Peter's Basilica didto sa Roma karong Nobiyembre 20.

 Sa Nobiyembre 20, dinhi sa Sugbo usa ka santos nga misa ang ipahigayon diha sa Cebu Provincial Capitol grounds sa pagka-alas 4 sa hapon, pahinungod sa   kapistahan sa Christ the King ug sa kasaulogan sa tuig sa Eukaristiya ug Pamilya dinhi sa nasud. Human sa santos nga misa, ipahigayon ang prosesyon gikan sa Provincial Capitol grounds padulong sa Cebu Metropolitan Cathedral.

TINAGSIP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with