_banat
^

Banat Opinyon

Hulga sa seguridad

TINAGSIP - Vilma Andales - Banat

Alerto karon ang mga polis sa kabisay-an, ilabi na sa Central Visayas, sa hulga sa mga teroristang sakop sa Abu Sayyaf nga giingong nakasulod dinhi sa Sugbo aron managit og mga turista.

Duha ka semana ang nilabay, nanggawas na ang mga report sa giingong presensiya sa mga sakop sa Abu Sayyaf nga nakasulod sa Sugbo. Dali hinuon nga gihimakak sa mga polis ang nanggawas nga report ug ang mga pahimangno nga gipakatap ngadto sa pipila ka turista.

Ilang gipasalig nga walay mga terorista nga nakasulod sa Sugbo. Apan nipagawas ang US embassy og travel advisory niadtong Nobiyembre 3, ngadto sa ilang mga molupyo nga ania nibakasyon sa Sugbo ug ubang bahin sa Central Visayas.

Sa travel advisory, gipahimangnoan ang mga Amerikano sa dili pag-adto sa isla sa Sumilon sa lungsod sa Oslob nga maoy gitumbok nga giplanohan sa teroristang  grupo nga managit og langyaw nga mga turista.

Sa usa ka chain message nga nikatap niadtong Oktobre 31, gipahimangnoan niini ang si bisan kinsang Sugbuanon sa dili pag-adto sa Sumilon Island tungod kay kini ang giplanohan sa mga sakop sa Abu Sayyaf nga managit og mga turista.

Niadtong  Biyernes, gikompirmar na sa Malacañang nga nakadawat sila og police report sa giingong plano sa kidnapping sa habagatang Sugbo. Apan ila pa nga gi-validate ang report.

Sa wala pa gikompirmar sa Malacañang ang police report, dinhi sa  Sugbo gipasalig sa kadagkoan sa kapolisan nga luwas ug walay mga sakop sa Abu Sayyaf nga nakasulod.

Bisan si Gobernador Junjun Davide nitataw nga dili tinuod ang unang nanggawas nga mga balita sa presensiya sa mga Abu Sayyaf  sa Sugbo.

Apan matinuod man o dili, mas maayong magmatngon ang si bisan kinsa, ma lokal man o langyaw nga mga turista, ug bisan dili mga turista, kita mismo nga publiko magmabinantayon sa atong palibot.

Gikinahanglan ang pagpakabana nga dili kinahanglang manghinubra, pinaagi sa pag-report ngadto sa mga opisyal sa barangay, sa mga polis ug sa ubang law enforcement agencies kun adunay mamatikdang mga tawo nga dili ninyo kaila nga mokalit sa pagbutho sa inyong mga dapit.

Mga tawo nga walay si bisan kinsa nga koneksyon diha sa inyong komunidad. Bisan pa gani kun kanang mga estranyo nga nikalit sa pagtunga sa inyong mga dapit adunay kaila sa inyong mga silingan, magmabinantayon gihapon kita, ilabi na kun makamatikod mo og dili kasarangan nga panglihok-lihok sa maong mga tawo.

Dili kinahanglang masubrahan sa atong pagduda, apan gikinahanglan ang atong pag-inabtik ug pagpakabana sa kalihukan sa atong palibot tungod ug alang sa kaluwasan sa atong pagpuyo ug  sa atong katilingban.

Samtang kita gustong manimuyo nga hapsay ug malinawon, adunay mga tawo nga gusto ra nga mosabwag og kasamok ug kagubot.

HULGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with