Advance voting
SENIOR CITIZEN - Artemio Dumlao (Banat) - September 4, 2016 - 12:00am

Anaa karon sa 17th Congress, ang usa ka balaudnon nga maghatag og higayon natong mga senior citizens ug PWDs nga makauna pagbotar, kun advance voting  sama sa absentee voting. Sa ato pa, kun mahimo na kining balaud, mouna kita pagbotar, dili dungan sa regular nga mga botante.

Kini, aron kalikayan natong mga senior citizens ug PWDs ang kahasol ug kasamok sa adlaw sa pagbotar. Kun nahimo kini sa absentee voting, nganong dili man kini sa advance voting?

Sa mga absentee voters, kadtong tua sa gawas - mga OFWs,  mga magtutudlo, taga-media,  kasundalohan ug kapolisan nga gi-assign sa layong lugar sa adlaw sa piliay, ang ilang pagbotar, gihimo usa o duha ka semana ahead sa election day.  

Kahinumdoman nga samang balaudnon ang gipasaka ni kanhi Kongresista ug karon City Mayor sa Mandaue Luigi Quisumbing sa miaging 16th Congress, apan, wala kini matagad sa Lower House.

Hinaut nga matagad na kini karon. Kahibawo man ta nga daghan kaayong mga senior citizens nga maglisud na paglakaw, mag-wheelchair na, magsungkod, ang uban agakon na. Busa, kun dili na sila masagol sa ubang mga botante on election day, kaminosan og daku ang ilang kahasol sa pagbotar.

* * *

Poor sleeping habits. Gikan sa Internet, giingon dinhi nga kadto konong dili maayo og kinatulgan (usa kini sa mga problema natong mga senior citizens), adunay kahigayonan nga maka-develop og diabetes. Kini sumala sa bag-ong mga pagtuon nga gihimo.   Matud pa, atong kutloon: Men who don't get the right amount of sleep may have an increased risk of developing diabetes. Plenty of previous research has linked sleep problems to diabetes.

Hinuon, giingon dinhi, wala pa maklaro kun unsay hinungdan ug unsay relasyon sa pagkakulang sa katulog ug sa diabetes. Sa mga pagtuon nga gihimo, nakita nga kadtong kulang sa igong katulog (ang average 7.3 hours a night), minus kono ang insulin resistance. Lagmit mao kini ang hinungdan nga makapa-diabetic.

Whatever, samtang nagpadayon ang mga pagtuon, atong paningkamotan nga makakatulog ta'g husto. Usahay ra, makamata ta'g kaduha, katulo sa tungang gabii ug sa kaadlawon, pagtubag sa sugo sa lawas, ug maglisod na ta'g katulog pagbalik. 

Adunay mga sugyot nga aron dili mabalda ang atong pagkatulog, dili nato himoon ang pagkatulog o ang kagabhion nga panahon pagsulbad sa mga problema.

Matud pa, ang higdaanan dili alang sa pagsulbad sa problema, kundili, alang sa pagkatulog. So, sleep well tonight -  ini'g kaugma na ang problem solving.

JORGE MADLOS KA ORIS NEW PEOPLE'S ARMY
Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with