Curfew!
IYO ANTOY - Evelyn Macairan (Banat) - May 31, 2016 - 12:00am

Kahinumdom ko sa pag-declare sa martial law ug gi-impose ang curfew. Ang mga asawa ug mga inahan nangalipay tungod kay sayo na nga nanguli ang ilang mga bana ug mga anak.

Hinumdom sab ko nga, all of a sudden, ang mga buhatan sa gobiyerno na efficient kaayo, dali ang mga transaction ug nawala ang under-the-table deals. Ingon man, kami ug ang among mga silingan, sayo sa buntag, manilhig sa tugkaran ug wala magpasagad paglabay sa basura.

Nadisiplina ang Filipino. Sa ikauunlad ng bayan, disiplina ang kailangan, matud pa.  Apan pila lang ka bulan, ni-backslide ang tibuok nasud. Nag-snap election kita ug nag-EDSA revolution. The rest is history.

Karon, sa umaabot nga administrasyon, giingon nga i-impose pagbalik ang curfew, apan, dili alang sa tanan, kun dili, alang lang sa mga teenager.  Maayo. Kay alang nako, kasagaran sa mga krimen karon, mugna ug binuhatan sa mga batan-on. Dili kinahanglan nga mag-martial law tungod kay duna may existing nga mga ordinansa nga nagdili sa mga teenager paglaruylaroy lapas sa alas 10:00 sa gabii. Giingon nga dakpon ang mga ginikanan nga makita nga nagpasagad sa ilang mga anak.

Duna ko’y nabasahan, nagsugilon, ambot diin to nga dapita sa America, nga usa ka 6-anyos nga bata, naligsan, hit and run. Gidakop sa police ang inahan, gumikan sa iyang pagpabaya kay iyang gipasagdan ang iyang anak.

Niay headline sa Florida, USA: “Florida county will throw parents of truant kids in jail.” Sa ato pa, ang mga ginikanan sa nagpabadlong nga mga estudyante, mga absentee, ibalhog sa bilanggoan.

Gitawag og Anti-Truancy law, gi-adopt kini sa mga estado sa Palm Beach, Florida, ug sa Texas, Alabama, North Carolina, ug ubang mga states nga nakakita sa pagka-epektibo sa maong state law.

Ang maong balaod nagpahamtang og pagkabilanggo up to three months sa mga ginikanan nga mapakyas pagpaeskwela sa ilang mga anak nga nagpanuigon og 16 paubos, sa 15 ka school days sulod sa tulo ka bulan.

Sa 2001, 12 ka ginikanan ang nabilanggo sa Florida, ug 5 ka ginikanan ang nasilotan sa Orange County sa California. Dinhi sa ato, daghan kaayong mga bata nga naglaruylaroy. Kinsa ug hain man ang mga ginikanan niining mga bataa? Nganong nagpatuyang man sila pag-manufacture og daghang bata, unya, ila lang pasagdan?

So, kun i-impose ang curfew, unahon nato pagdisiplina ang atong mga ginikanan nga napakyas pagdisiplina sa ilang mga anak. Di ba kaha moreklamo ang mga human rights advocates niini? 

 

 

 

PPCRV
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with