Maghisgot ta’g kooperatiba
SENIOR CITIZEN - Antolin dela Cerna (Banat) - April 21, 2016 - 10:00am

Nadani ang akong pagtagad niining usa ka kooperatiba sa Solsona, Ilocos Norte nga gipanag-iya ug gidumala sa pulos mga babaye, mga biyuda nga mag-uuma.

Ilang ginganlan og Nasalukag Women’s Multi-Purpose Cooperative ug natukod kaniadtong 1995 pinaagi sa P5,000 nga kontribusyon sa matag charter member nga 20 ka mag-uuma.

Sa ato pa, nagsugod sila sa kooperatiba sa puhonan nga P100,000. Actually, may kuwarta kini sila gumikan sa ilang pagkamag-uuma. Karon, ang kooperatiba may 80 na ka sakop ug ang ilang assets miabot na og P9 milyones.

Matud sa 64-anyos nga si Anita Benito nga maoy founding chair sa Nasalukag nga wala silay laraw pagdugang sa membership kay mas sayon ang pag-manage kun dili daghan ang mga sakop.

Ug hangtod karon, wala silay miyembro sa kooperatiba nga lalaki. Ang ilang drayber lalaki apan dili sakop sa kooperatiba. Misugod sila sama lang sa usa ka sari-sari store, diin ang gipamaligya mga basic commodities, sama sa sabon, cooking oil, coffee, asukar ug uban pa.

Apan, ang katuyoan sa ilang kooperatiba mao ang palay procurement ug rice trading. Mamalit sila og palay gikan sa mga gagmay’ng mag-uuma, ug ilang ibaligya ngadto sa NFA sa gipatungan na nga presyo.

Pananglitan, gikan sa Oktubre hangtod Disyembre sa miaging tuig, ang ilang palit sa palay, P16.50 ang kilo ug gibaligya nila ngadto sa NFA sa tag-P17.40 ang kilo. So, sulod sa hamubong panahon, tulo ka bulan naka-gross profit sila og P900,000.

Laing tinubdan sa ilang income, mao kining programa sa NFA nga gitawag og FOBB kon Farmer’s Option to Buy Back sa palay nga gibaligya sa Coop ngadto sa NFA. Ang Coop mangita’g pumapalit sa giusbawan nga prisyo.

Pananglitan, nakakita sila’g buyer sa Bulacan nga mopalit sa tag-P19 ang kilo. Kadtong ilang gibaligya ngadto sa NFA sa tag-P17.40 ang kilo, ilang paliton pagbalik sa tag-P18.10 ang kilo ug ibaligya sa tag-P19 ang kilo. Again, ginansiya na pud sila og 90 sentimos mata kilo.

Daghan na nga mga kooperatiba nga gipanag-iya ug gi-manage sa mga lalaki nga nabangkaruta, apan, kining all-women cooperative sa Ilocos dakong nagmalampuson.

Wala sila mo-solicit og donation, apan, ang nakakita sa pagkamaayo nilang pagdumala, adunay mga mihagad pagtunol sa tabang, sama sa kagamhanan sa New Zealand, P200,000; gobiyerno sa Canada, P160,000, ug Gov. Imee Marcos, P40,000.

Ang kahulogan sa “Nasalukag:” go-getters, active doers, entrepreneurial, alert. Mihaum ang kahulogan sa ngalan sa ilang kooperatiba.

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with