EDITORYAL - Disiplina sa botante
(Banat) - February 4, 2016 - 9:00am

Dako karong hagit alang sa Comelec kining ilang pagpamubo sa oras sa pagbotar sa adlaw sa piniliay karon bulan sa Mayo.

Imbes nga magsugod og alas-7 kutob sa alas-7 sa gabii, kutob na lang kini sa alas-5 o duha ka oras ang gitangtang. Sa manual voting natural kini kaayo kay dugay man gyud kini nga proseso, apan sa automated voting  husto lang nga kutob sa alas-5 sa hapon.

Maayo kini kay mas mapadali ug mas sayosayong mahimo sa mga Board of Election Inspectors ang ilang trabaho ug dili na kaayo madugay ang pagsugod dayon sa eskutenyo sa mga boto.

Apan makapaabot gyud ang Comelec nga daghang mga pagsaway silang madawat tungod sa maong pagpamubo sa oras sa pagbotar ilabi na sa mga tawong maayo lang manaway unya dili gani magtarong sa ilang disiplina sa kaugalingon.

Ang Comelec nagpaabot nga mas sayosayong mahuman ang pagbotar sa mga tawo base sa gidaghanon karon sa mga registered voters.

Bag-ohay lang usab nila gipatuman ang pagdugang og mga clustered precincts kay pinaagi niini mabahin ang gidaghanon sa mga tawong mobotar sa matag presinto.

Ang kinahanglan lang gyud mao ang disiplina sa mga tawo paghimo sa ilang sagradong tahas nga mao ang pagbotar sa hustong oras.

Kay wa may trabaho nianang adlaw sa pagbotar, way rason ang si bisan kinsang botante aron dili makatungha sa voting precincts   gikan alas-7 sa buntag kutob sa alas-5 sa hapon.

Angay hinumdoman sa mga botante nga ang ilang boto mahinungdanon kay kini maoy magdiktar sa kaugmaon sa nasud sud sa mosunod nga unom ka tuig.

Kun gusto sila og kausaban, angay usbon una ang kaugalingong bati nga kinaiya sama sa "unya na" nga maoy naandan sa kadaghanan.

 

ALAS ANG ANG COMELEC ANGAY APAN BOARD OF ELECTION INSPECTORS COMELEC DAKO IMBES MGA NGA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with