EDITORYAL - Di na apil sa ‘deadliest’
(Banat) - January 1, 2016 - 9:00am

Nawala na sa listahan sa “World’s Most Deadly Countries for Journalist” ang Pilipinas sumala pa sa gipagawas nga listahan sa New York –based press freedom watchdog nga Committee to Protect Journalist (CPJ) analysis sa miaging semana.

Naglumpayat gyud niini sa kalipay ang mga opisyal sa gobiyerno ilabi na sa administrasyong Aquino kinsa gisaway sa sayong bahin sa iyang pamunoan gumikan sa kawalay nahimo sa iyang administrasyon nga proteksyonan ang mga tigbalita tungod kay aduna gihapoy mga sakop sa maong sektor ang nabiktima sa mga krimen.

Sa iyang termino gipaabot ang hustisya apan wa pay bisan usa ka kombiksyon nga napagawas batok sa mga responsable sa 2009 Maguindanao Massacre nga nikalas og 32 ka tigbalita ug kapin sa 20 ka sibilyan didto sa Ampatuan, Maguindanao.

Hinuon, base sa analysis sa CPJ karong tuiga, walay bisan usa ka tigbalita sa Pilipinas ang gipatay may kalambigitan sa ilang trabaho.

Aduna hinuoy pito ka mga tigbalita nga gipatay karong tuiga apan padayon pang giimbestigar kun may kalambigitan ba kini sa ilang pagka-tigbalita.

Apan di pa kini angay nga ikalipay sa gobiyerno ug dili pa panahon aron mokompiyansa tungod kay kuwang pa gihapon ang ilang gihimong proteksyon sa gikonsiderar nga “4th State.”

Ang hulga sa kinabuhi gikan sa mga maigo sa balita o komentaryo kabahin lamang sa trabaho sa usa ka tigbalita.

Ang kagawasan sa media paghimo sa trabaho niini usa ka senyales sa himsog nga demokrasya sa usa ka nasud, apan unsaon man kun aduna gyuy mga tawong andam mopatay aron pahilumon ang mensahero?

Dinhing dapita na mosud ang kamahinungdanon sa papel sa gobiyerno. Kay kun walay kagawasan ang media sa pagpadayag, nagpasabot kini nga walay kasigurohan kun tinuod ang nanggawas nga balita kabahin sa estado sa usa ka nasud.

ADUNA AMPATUAN ANG APAN MAGUINDANAO MASSACRE MGA MOST DEADLY COUNTRIES NEW YORK NGA PILIPINAS PROTECT JOURNALIST
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with