Bag-ong Tuig
SAKSAK SINAGOL - Lucky Malicay (Banat) - December 31, 2015 - 9:00am

Maayong Bag-ong Tuig kanatong tanan. Hinaut nga anaa kamo sa kapiskay sa panglawas human sa kasaulogan sa Pasko. 

Unang adlaw karon sa 2016. Ug niining pagsugod sa bag-ong tuig, bag-ong mga pagsulay sa kinabuhi na usab ang atong sagubangon. Ug sama sa niaging tuig, kakulang sa kwarta ang nag-una nato nga problema. 

 Sa 2015, daghang kontrobersiya ang mihapak sa Pilipinas. Gikan sa SAF 44 massacre didto sa Maguindanao hangtud na sa nagkahinay nga tubo sa ekonomiya ug sa kaguliyang sa pulitika, alegre ang dagan sa atong nasud sa niaging tuig.

 Apan samot nang alegre karong tuiga. Kini tungod kay panahon karon sa eleksiyon diin magpili na usab kita og lideres kinsa maoy modala sa renda sa atong pangagamhanan sulod sa unom na usab ka tuig.

 Gani nagsugod na ang sirkus sa pulitika tunga-tunga pa sa niaging tuig. Miarangkada na ang oposisyon pinaagi sa UNA ni Bise Presidente Jejomar Binay, kampo ni Senadora Grace Poe ug ang grupo ni Mayor Rodrigo Duterte.

 Nangandam na usab ang administrasyon ni Presidente Benigno Aquino III alang sa dakong bugnong lugaynon sa Mayo. Nagsige na karon og suhid sa mga probinsiya ang manok niini nga si kanhi DILG secretary Mar Roxas.

 Bisan pa man sa ka seryoso sa dagan sa kampanya alang sa umaabot nga piniliay, wala usab palabya ang panahon sa duha ka kandidato pagka-presidente kinsa nagbinatohay og binata nga mga akusasyon.

 Gawas sa malampuson nga eleksiyon, dako atong paghandum karong tuiga nga mobangon ang atong nasyonal nga ekonomiya. Kini aron nga tanan ang makabenepisyo, ilabina kon mohimo kini og liboan ka trabaho.

 Ang industriya sa turismo mao usab ang atong gilauman nga maoy usa sa mobayaw sa atong ekonomiya uban sa nagtubo nga sektor sa business process outsourcing. Hinuon nagkadaghan nang turistang langyaw ang nadani ug gusto nga mobisita sa Pilipinas.

 Sa kinatibuk-an, gihandum natong tanan nga mas mabungahon ang 2016 kay sa niaging mga katuigan. Hinaut nga bisan sa daghang pagsulay, makabangon ra ang nasud ug nga mosulbong na ngadto sa tinud-anay nga pag-asenso ang mga Pilipino.

ANG ATONG BISE PRESIDENTE JEJOMAR BINAY HINAUT KINI MAR ROXAS MAYOR RODRIGO DUTERTE NBSP NGA PILIPINAS PRESIDENTE BENIGNO AQUINO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with