EDITORYAL - Hagit sa mosunod kang PNoy
Edwin Ian Melecio (Banat) - December 4, 2015 - 9:00am

Dako kaayo nga hagit sa mosunod nga presidente sa nasud ang pagpadayon sa lig-on nga Pilipinas nunot niining nausab na nga dagan sa patigayon ug sa epekto niini sa pagtubo sa ekonomiya matud pa sa World Bank Group sa 2015 National Export Congress. Tungason nga dalan ang atubangon sa manufacturing sector sa nasud human nga ang mga adunahang nasud nibalik na sa ilaha aron didto na lang magtukod og mga pabrika.

Nabantayan nga wala na kaayoy dakong epekto sa pagtubo sa ekonomiya ang kisaw sa negosyo base sa obserbasyon sa nakalabay nga upat ka tuig.

Matud pa sa Philippine Statistics Authority, nikubos og 24.7 percent niadtong Septiyembre ang export sa Pilipinas, mao kini ang kinadak-ang pagkubos sud sa nilabay nga upat ka tuig.

Kun kaniadto ang mga dagkong langyaw nga kompaniya dunay mga pabrika sa ubang nasud sama sa Pilipinas, karon namalik sila sa ila aron mapakusog ang  ilang lokal nga patigayon ug napatubo sa ilang ekonomiya .

Peligro kini ilabi na sa mga gagmay nga nasud sama sa Pilipinas kay mawagtangan og mga trabaho ang mga tawo. Kun way trabaho, magnihit ang kisaw sa palit ug nagpasabot kini nga mohinay usab ang lokal nga ekonomiya. Busa karon pa lang, angay nang mohimo og mga lakang ang gobiyerno ug ang mosunod nga presidente aron mapugngan ang pagtibugsok sa ekonomiya.

Angay nga mohimo og mga polisiya ang gobiyerno pabor sa local manufacturing industry aron maoy mosawo sa mga mawagtangan og trabaho gikan sa mga langyaw nga kompaniya.

Apan aron molahutay ang local manufacturers kinahanglan silang mahalinan sa ilang produkto ug menusan ang pagpamalit og imported nga mga produkto sa konsumidor.

Paninduton ang mga produkto nga pang-export aron maka-compete sa Vietnam , Malaysia ug Mexico aron sama niining mga nasura makasulod ang Pilipinas sa Trans-Pacific Partnership.

ANG ANGAY ARON KUN MGA NATIONAL EXPORT CONGRESS NGA PHILIPPINE STATISTICS AUTHORITY PILIPINAS TRANS-PACIFIC PARTNERSHIP WORLD BANK GROUP
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with