Magmaya kita
NAGBAGANG KASAYORAN - FO3 Wendell C. Villanueva, BFP (Banat) - November 13, 2015 - 9:00am

Halos tanan nagkapuliki na sa pagpangandam sa Pasko ug wala magpaulahi ang inyong kabomberohan nga nangandam usab.

Nakigtambayayong kami sa Department of Health (DOH) ug Department of Trade and Industry (DTI) aron mahimong luwas ang pagsaulog nato sa Pasko pinaagi sa pagpakatap og fire safety tips.

Ayaw gyud ninyo biyai nga magsiga sa inyong panimalay ang mga electrically-lighted Christmas decors sama sa series lights ug lanterns. Pagnga usab kini sa dili pa kamo matulog.

Taas kaayo ang atong bakasyon ug ang uban niini mobiyahe sa probinsya. Kun mobiya na kamo, ibta g’yud ang plug sa koryente kun walay tawo nga mahabilin sa balay.

Mas maayo gani nga ipaubos ang plangka kun taastaas gyud ang bakasyon aron hingpit kining luwas sa sunog. Isirado usab ang valve sa inyong LPG tank.

Kun mogamit sab kamo og pabuto, anha gyud sa hawan nga walay maangin kun mahitabo nga adunay disgrasya ug kinahanglang may hamtong nga mag-supervise sa mga bata.

Apan maayo gani nga laing paagi na lang sa pagsaba-saba ang atong himoon sa pagsugat sa Pasko ug Bag-ong Tuig, kanang luwas sa disgrasya. Mas maayo nga mugamit og drum ug adto pabuthon ang mga rebentador.

Mas maayo sab nga ilisan ninyo ang karaan na nga electrical wiring sa panimalay nga mura’g dili na lig-on.

Pangayo kamo og fire safety tips sa mga fire stations duol sa inyong lugar. Angayan natong isipon nga kining mga tips mohatag og giya kanato aron hingpit kitang luwas sa sunog ug disgrasya.

Ang tiunay nga pagsaulog sa Pasko wala mag depende sa unsa kakusog sa imong pabuto ug wala magdepende sa kadaghan sa imong dayandayan ug mga series lights.

Ang labing mahinungdanon mao nga magmaya kita uban sa atong kabanay.

 

ANG ANGAYAN APAN AYAW DEPARTMENT OF HEALTH DEPARTMENT OF TRADE AND INDUSTRY ISIRADO KUN MGA NGA PASKO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with