Kapolisan pikatan lang sa mga kawatan!
(Banat) - October 22, 2015 - 10:00am

Upat ka sakyanan ang gipangbiktima sa mga kawatan sa managlahi nga dapit dinhi sa dakbayan sa Sugbo sulod lang sa pipila ka oras.

Sayon ra kaayo nila nga gilungkab ug dayon gipangkuha ang mga mahalon nga butang nga diha sa sulod. Nahitabo kini samtang gi-parking ang mga sakyanan sa parking area sa mga commercial establishments.

Gi-parking lang og kadiyot sa mga tag-iya ang ilang sakyanan kay may giasikaso sila, apan pagbalik nila nalungkab na kini sa mga kawatan. Nagpabiling tanghaga sa mga otoridad kun si kinsa ang mga responsable niini nga modus operandi kay wala man makuhai og video sa CCTV o wala g’yuy CCTV ang mao nga mga parking area.

Gimandoan na sa Police Regional Office (PRO)-7 ang Cebu City Police Office (CCPO) sa pag-utingkay sa tanang records sa mga kriminal aron matumbok ang grupo sa mga kawatan. Apan ang pangutana karon kun may mahimo ba kaha ang kapolisan sa pagpakgang niining maong matang sa mga kriminal kun mailhan na sila?

Basin og mahisama lang unya kini sa uban nga mga kaso nga dayag na kaayo ang mga panagway sa mga kiriwan sa CCTV, ug nadakpan na gani apan makalingkawas lang gihapon kay makapiyansa man. Sama niini nga mga sakop sa Salisi Gang nga nakuhaan og video sa CCTV camera nga namiktima sulod sa usa ka hotel sa dakbayan sa Sugbo. Kini nga grupo nadakpan na kaniadto apan nahatagan og kagawasan.

Kaniadto mga shoplifter lang ang naasoy’ng mga Salisi Gang members apan nagpalambo sa ilang abilidad hinungdan nga mi-level up na sila. In fairness sa atong kapolisan, nakahimo man usab sila sa ilang trabaho apan usahay mausik ra man ang ilang kahago pagsikop sa mga kawatan kay makabuhi ra man gihapon ilabi kun dili magpakabana ang mga biktima pagpasaka og kaso.

Alang sa kapolisan, hugtan nila ang pagmonitor sa mga dautang elemento samtang ang mga sibilyan makigtambayayong usab pinaagi sa pagbutang og CCTV ug kun may madakpan kinahanglan nga tinud-on pagpasaka og kaso aron sila mapriso. Angayan nga palig-onon, dili lang sa mga otoridad, kun dili apil kita nga katawhan ang magbantay aron dili masugamak sa mga hinampak nga kawatan!

Kun magpabilin kita'ng huyang, segurado g’yud nga andan lang kita sa mga kawatan ug padayon nga pikatan nila ang kapolisan.

ANG ANGAYAN APAN CEBU CITY POLICE OFFICE KUN LANG MGA NGA POLICE REGIONAL OFFICE SALISI GANG SUGBO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with