Mas gamhanang minoriya

- Leo Lastimosa (Banat) - September 2, 2015 - 10:00am

Way nagpaabot nga mangiyugpos lang ang kadagkoan sa Iglesia ni Cristo (INC) sa ilang kapakyas pagpalagpot ni Justice Secretary Leila de Lima ug sa pagpabasura sa kasong kriminal nga gipasaka batok sa labing dagko nilang opisyal. Kay naanad nang INC nga pagkuha sa hapit tanan nilang gipangayo gikan sa nasudnong gobiyerno ug bisan sa local government units (LGUs).

Gikan sa pagtangtang sa kanhi pangu sa Bureau of Customs (BOC) ngadto sa pagpahimutang sa mga tagduma sa uban pang mga buhatan sa gobiyerno, gitumbok ang INC nga malampusong nigamit sa ilang bloc voting pagpahimutang sa labing pinangga nga mga sakop sa kahugpongan sa labing gamhanan nga mga katungdanan sa gobiyerno.

*  * *

Ang INC maoy gipasidunggan ni kanhi presidente Joseph Estrada nga responsable sa iyang pagdaog sa piniliay’ng presidensiyal niadtong 1998. Sila sab ang gituohan nga nakapadaog sa kasagaran sa mga senador ug mga kongresista sa nangaging mga piniliay.

Apan nauwawan ang INC sa ilang kapakyas pagdupa sa ilang sakop nga si kanhi Chief Justice Renato Corona kinsa gi-impeach sa House of Representatives ug gikonbikto ug gipalagpot sa katungdanan sa Senado. Gidudahan sang ilang katakos pagpadaog og lokal nga mga politiko. Pananglitan sa piniliay pagka mayor sa Dakbayan sa Sugbo niadtong 2001, si kanhi mayor Alvin Garcia ang gipaluyohan sa INC apan si kanhi mayor Tommy Osmeña maoy nidaog.

* * *

Nangangkon ang INC nga moabot og 1.37 milyones ang botante nilang mga sakop, o 2.6 porsiyento sa kinatibuk-ang 52 milyones ka rehistradong mga botante. Bisan kun tinuod ang ilang katakos sa bloc voting, mas daghan gihapon (kapin sa 50 milyones) ang di INC. Nganong mag-ilogay mang mga politiko pagsikit nila?

Kini tungod sa ilang kagamay ug kaaktibo. Nagkalainlaing mga pagtuon nagpakita nga ang minoriya nga mga grupo sama sa INC may duha ka alas: Una, mas agresibong moduso sa ilang kawsa; ug ikaduha, mas sayon alang sa gobiyerno ang paghatag sa ilang demanda.

* * *

Tuguting himuon natong pananglitan ang senior citizens nga, bisan mas gamay kay sa mga batan-on nga maoy kinabag-an sa populasyon, maoy nabuhong sa daghang benepisyo sa gobiyerno. Ang Cebu City nga maoy nakahatag sa labing buhong nga mga benepisyo dunay 60,000 ka rehistradong senior citizens.

P720 milyones ang kinahanglan nga igahin sa City Hall matag tuig alang sa P12,000 nga financial assistance sa matag usa nila. Mas dako, P9.6 bilyones, ang gastuhon kun hatagan sa samang benepisyo ang kapin sa 800,000 ka batan-on sa dakbayan. Kun di dugangan ang P720 milyones, P900 ray mahatag sa matag batan-on. Tungod sa mas dagkong benepisyo, mas dagko ang tingog sa senior citizens sa pagpangayo ug mas daling makumbinser ang mga politiko sa paghatag.

leo_lastimosa@abs-cbn.com.

ALVIN GARCIA ANG ANG CEBU CITY BUREAU OF CUSTOMS CHIEF JUSTICE RENATO CORONA ILANG INC MAS MGA NGA QUOT
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with