Kawala’y kusog

Usahay diha sa atong damgo ang atong nakita maoy complete opposite sa atong aktuwal nga pagkinabuhi. Kini tungod kay diha sa maong damgo, mahimong atong maisip nga wish fulfillment sa atong mga pangandoy. Kun kini ang nigawas diha sa imong damgo, pahinumdom kini nga angayan nimong himoong mabalanse gyud unta ang tanan.

Kun unsay ideyal ug unsay reyalismo. Dili maayo nga molantaw lang sa projection kundili hinunoa, mas maayo nga motunob pud usab diha sa yuta sa kamatuoran bahala na og sakit kini tumban. Ang mahinungdanon ikaw mamahimong gawasnon.