Ang promotional ug 20% discount
SENIOR CIITIZEN - Antolin dela Cerna (Banat) - January 22, 2015 - 12:00am

Nakadani sa akong pagtagad ang usa ka isyu nga gihisgotan sa usa ka maglilindog nga giulohan og Simple Seniority. Naghisgot kini bahin sa usa ka golf club nga gipanag-iya sa gobiyerno nga dili mohatag sa 20% nga discount sa pagkaon sa mga senior citizens nga sakop sa maong club.

Lagmit, ang mga member, dunay special price sa pagkaon, busa, dili na mohatag og discount. Kay alang nila, doble na.

Ang lindog nagkanayon. “The Department of Trade and Industry (DTI) has clarified that a member’s discount is not promotional, hence seniors are entitled a 20 percent discount over and above it.

“This hopefully settles the problem in a government-owned golf club in Metro Cebu where senior members are not given 20 percent discount over and above the member’s price for their meals.”

Ngiga no? Duna diay golf club ang gobiyerno? Exclusive ba ni sa taga-gobiyerno lang? Datu g’yud ning taga-gobiyerno no? Asa kaha na sila’g daghang kuwarta no?

Wa kaayo ko maguol niini’ng sitwasyona, kay di man ta ka-afford niini’ng matanga sa club. Pila kahay membership fee niini no? Kutob ra g’yud ko sa senior citizens association.

Kahinumdom ko nga usa ka kan-anan sa dako’ng mall ning dakbayan, wala mohatag og discount kay matud nila, discounted na kuno’ng daan ang ilang pagkaon. Ug policy nila nga dili mohatag og laing discount.

Amo sila’ng gi-challenge, ug ang manager mitawag sa Manila, sa diha nga amo siya’ng gipangayoan sa iyang ngalan, kay ipatawag siya sa buhatan sa OSCA inigka-ugma.

Misugot ang ilang main office sa Imperial Manila. Bida!

Gihatagan ra mi’g discount. Kinahanglan mo-assert g’yud ta sa atong mga katungod. Kun duna may mga promotional, the 20 percent discount should be over and above it. Ania ang specific nga provision sa balaud bahin niini:

Rule IV sa Implementing Rules and Regulations sa RA 9994; Article 9: “In the purchase of goods and services which are on promotional discounts, the senior citizens can avail of the establishment’s offered discount or the 20% discount provided herein, whichever is higher or more favorable.” So, klaro. Ang mga mosupak, silotan, sumala ug pinasikad sa balaud.

In the meantime, paminaw kanunay ug interact sa Senior Citizens Hour sa DYRC, 648 kHz matag Sabado, 5:00-6:00 pm. Tel. 4162868.

AMO DEPARTMENT OF TRADE AND INDUSTRY DISCOUNT IMPERIAL MANILA IMPLEMENTING RULES AND REGULATIONS METRO CEBU SENIOR CITIZENS HOUR SIMPLE SENIORITY
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with