^

Banat Opinyon

Panghinaot sa 2015

KUMBATI - Rico Lucena - Banat

Bag-ong tuig, bag-ong paglaum. Alang nato nga nahimo na’ng tig-a sa mga pagsuway sa nanglabay nga panahon, ang Bag-ong Tuig nagpasabot og dako’ng pagsalig sa kaugalingon ug kahitas-an aron nga malabang ang taytayan ning tuiga.

Ang Bag-ong Tuig nagbutang nato sa mas wa’y kasiguroan nga ugma hinungdan nga kun aduna may maayo’ng bawonon kana mao ang atong pagsalig ug pagtuo nga kining tuiga, maghatag og grasya ug daghan pa’ng pabor sa kahitas-an.

Apan gawas sa atong personal nga mga damgo ug plano, mas lawom ang buot ipasabot ning tuiga kun hatagan nato og katumanan ang damgo alang sa tanan.

Nanghinaot ‘ta nga ning tuiga mas sayo nga motumaw ang mga ngalan nga buot magpapili sa pagka presidente sa nasud.

Sa maong paagi, mahatagan ‘ta og mas taas nga panahon aron tan-awon ug sukit-sukiton ang iyang pagkatawo.  Ang pagpili sa mosunod nga lider sa 2016 nagpasabot og kaugmaon sa 100 ka milyon ka mga Pinoy. Hinaot nga ning tuiga, mas maampingon ang mga botante sa pagtan-aw sa kalidad sa mga lider nga ilang pilion.

Atong napamatud-an nga ang tinuod nga kaugmaon sa usa ka nasud anaa sa katakos ug kaligdong sa mga tawo nga mopili sa ilang lider.

Ang tuig 2013 ug 2014 nisagpa nato sa daghang katalagman. Ang Pilipinas ang giila’ng labing delikado nga nasud sa kalibutan kun ang kalamidad sa kinaiyahan ang hisgutan.

Nanghinaot ‘tang kining tuiga maghatag ‘sab nato sa tukmang tubag unsay atong puwedeng mahimo aron kapanalipdan ug luwason ang kinaiyahan.

Bisan sa mga nahabiling adlaw sa milabay nga tuig 2014, gipahinumduman ‘ta nga wa’ tay dag-anan kun ang kinaiyahan na ang mobawos tungod sa atong dugay nang pag-abuso ug pagpabaya.

Hinaot nga ang 2015 mas pang mopalapad sa atong kaalam sa pagpanalipod gikan sa kadaot nga hatud sa katalagman.

Ang tuig 2015 magbukas unta og mas malinawon nga panghuna-huna natong tanan.  Mag-unsa man ang pagpalambo nato sa atong kinabuhi ug pagpadaghan sa atong katigayunan kung   wala ‘tay malinawon nga panghuna-huna.

Sa maong paagi, malinawon ‘sab ang imong disposisyon sa halos tanang desisyon nga imong himuon sa matag adlaw.  Ug kung positibo ka, wa’y rason nga di’  sab hangpon sa uban ang imong positibo’ng panlantaw.

Sa maong paagi, mas malinawon ug hapsay ang atong pagsagubang sa matag adlaw. Kun malinawon ang usa ka dapit, di’  halayo ang malampuson ug malinawon ang usa ka nasud nga moatubang sa matag adlaw.

Email: [email protected] or [email protected]

 

ANG BAG

ANG PILIPINAS

ATONG

HINAOT

MAS

NANGHINAOT

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with