^

Banat Opinyon

Maayo nga pagpangandam

SAKSAK SINAGOL - Lucky Malicay - Banat

Gitubag gayud ang atong mga pag-ampo. Kini sa dihang wala kaayo magmugna og dakong kadaut si Bagyong Ruby sa iyang paghapak sa nasud sa niaging mga adlaw. Usa kadto ka dakong bagyo apan milagro nga nalusaw sa iyang paglatas sa tunga-tungang bahin sa nasud.

Apan bisan pa man niini, mibilin gihapon og kadaut si Ruby sa iyang paglapdos sa nasud. Matud pa sa rekord sa nasyonal nga kagamhanan, miabot  sa 20 ka kinabuhi ang nakalas pagrumbo sa maong bagyo sa mga probinsya sa Visayas ug Luzon.

Kabahin sa kabtangan, si Ruby mibanlas sa subra sa usa ka bilyon nga kantidad sa propriedad, tanom ug uban pang klase sa panguma. Apan layo kini nga kantidad ikumpara sa danyos nga dala ni super typhoon Yolanda sa nangaging tuig.   Hinuon maka-expect kita sa kadaut nga dala ni Ruby. Sa ka kusog niini sugod pa sa pag-igo niini sa nasud, dili gayud malikayan ang dako usab nga kadaut nga mugna niini, ilabina sa mga lugar nga nasentro sa bagyo.

Apan maayo ang pagpangandam sa tanang sektor ni Ruby. Gikan sa national government ngadto sa local government units hangtud na sa kabaranggayan, andam ang tanan sa maong bagyo. Dinhi sa Sugbo, sayo nga mideklara nga walay klase ang mga LGUs isip kabahin sa ilang pagpangandam.  Gani, bisan kun layo pa ang bagyo giisa na ang signal number one tungod lagi sa dautan nga panahon.   

***

Angay usab nga klarohon kun unsa gayud ang sistema niining pagsuspende sa klase kun adunay kalamidad. Kini gumikan kay adunay mga tunghaan nga wala motuman sa deklarasyon sa dakbayan pag-suspende sa klase panahon ni Ruby. Nasagmuyo gayud si Cebu City Mayor Michael Rama sa dihang adunay mga eskwelahan, partikular na ang University of the Philippines Cebu, nga wala motuman sa iyang deklarasyon. Rason niining maong mga tunghaan nga aduna silay autonomiya ug dili na kinahanglan nga mag-agad sila sa desisyon sa mga LGUs.

Mao nang gusto og negosasyon ang City Hall uban sa kadagkoan sa mga tulonghaan aron pagklaro sa sistema. Hinuon dili nato ikalimod nga responsibilidad sa mga lokal nga opisyal kun unsay mahitabo panahon sa kalamidad.

Hinuon wala gyuy mawala niining mga eskwelahan kun motuman lamang sila sa deklarasyon sa dakbayan. Kini tungod kay kaayohan sa mga tinun-an nga  malikay sa kadautan panahon sa kalamidad.

 

APAN

BAGYONG RUBY

CEBU CITY MAYOR MICHAEL RAMA

CITY HALL

HINUON

KINI

UNIVERSITY OF THE PHILIPPINES CEBU

  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with