^

Banat Opinyon

Pasko na, salamat ha!

KUMBATI - Rico Lucena - Banat

Sa Pilipinas mabati ang labing taas nga kasaulogan sa Pasko. Ug dinhi sa Pilipinas abunda dili lang mga tindahan nga nagdalit og pangregalo, apan puno ‘sab sa daghang tradisyon.

Tradisyon nga gikan pa sa adlaw sa pagkatawo sa atong manunubos nga karon gisakyan sa panahon ug gi-abuso sa komersyalismo.

Ang paghatag og regalo maisip nga nagsugod sa paghatag og gasa sa tulo ka hari ngadto sa Ginoo nga gipakatawo sa pasungan kapin sa duha ka libo ka tuig na ang nakalabay.

Ang maong pagpadayag sa paghigugma ug kalipay, karon nahatagan og bag-ong interpretasyon. Salamat sa komersyalismo ug sa kalibutan nga puno sa materyal nga katagbawan.

Kun makadawat ka og regalo karong Pasko daghang butang ang buot ipasabot niini gikan sa tawo nga naghatag sa gasa. Gihigugma ko ikaw. Daghang salamat. Dako kang gasa kanako. Panghinaot sa maayong panglawas, panghuna-huna ug daghan pa’ng grasya. 

Ug sa kadaghan nga tinubdan sa hinungdan sa gasa, usa lang ang tumong—pagpasalamat sa grasya nga nadawat nga kinahanglan nga ipadayag ug ipaambit sa mga mahal sa kinabuhi.

Apan karon, daw natabunan na ang tumong sa gasa. Sa pagdagsa sa daghang gitawag nga mga ‘suggested Christmas gift’ mapugos ka sa pagpalit sa mas mahal ug mas uso nga gasa.

Ang nag-una sa listahan sa mga butang nga maayo’ng ihatag karong Pasko mao ang cellphone, ipad ug uban pa’ng teknolohiya nga mas mahal.

Apan tungod sa grabe’ng pag-endorso pinaagi sa pag-advertise sa maong matang sa produkto, dili kalikayan nga mahimo’ng usa ka panginahanglan ang butang nga di’ unta angay o di’ unta tukma tungod kay mahal ug dili praktikal.

Apan bisan sa ka mahal, ang uban mangita og paagi aron lang g’yud makab-ot ang usa ka butang bisan kun sakit sa bulsa. Ang komersyalismo ang bida sa panahon sa Pasko ug dili ang bata nga natawo nga kabus sa usa ka pasungan kapin duha ka milenyo na ang nakalabay.

Salamat sa pag-abot sa Pasko ug gipahinumdoman kita unsa ka yano ang hari sa tanang hari nga gipakatawo. Ug sa tulo ka hari nga niabot ug naghatag og gasa kaniya, nagpakita kini sa mas lawom nga mensahe sa Pasko.

Apan ang labing mahinungdanon sa tanan mao ang mensahe sa gugma ug pagpa-ubos nga maoy gipakita sa belen. Salamat sa Pasko ug gipahinumdum kanato nga adunay nagpaabot nga paglaum pinaagi sa kaluwasan, gugma pinaagi sa pagpa-ubos ug Kristo pinaagi sa usa ka yanong senaryo.

Email: [email protected] or [email protected]

APAN

DAGHANG

DAKO

GASA

GIHIGUGMA

GINOO

PASKO

SA PILIPINAS

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with