^

Banat Opinyon

Sulagma lang ba?

KUMBATI - Rico Lucena - Banat

Nitumaw ang pangalan ni Antonio Tiu dungan sa pagboto sa kontrobersiya nga giatubang ni Bise Presidente Jejomar Binay.

Wa’ mosikat si Tiu sa iyang mga negosyo nga gihuptan apan sa iyang pag-angkon nga iya ang gitawag nga ‘Binay Estate’ sa Rosario, Batangas.

Karon, mas nautingkay pa ang pagkatawo ni Tiu ug nahuboan sa daghang mga anggulo nga angay tan-awon nga mahimong adunay direktang koneksyon niya ug sa pamilya Binay.

Apan kusganong nibarug si Tiu nga dili maki-angayon nga ilambigit ang iyang panga’n kang Binay nga nahimamat lang niya katulo ka higayon.

Apan ang mga tawo nga suod ni Tiu, sulagma lang ba ‘sab nga sila suod sa mga Binay?

Ang igsuon ni Tiu maoy usa sa labing dako’ng campaign contributor ni Binay sa iyang pagdagan pagka bise presidente niadtong 2010. Niabot og P15 milyones ang kontribusyon sa igsuon ni Tiu kang Binay. 

Apan matud ni Tiu nga dili maayo’ng ilakip siya sa unsay hilig sa iyang igsuon ug kana mao ang politika. Sulagma lang ba nga nahimo’ng campaign contributor ang igsuon ni Tiu ni Binay ug wa’ gyud siya’y kalabutan niini?

Laing koneksyon ni Tiu kang Binay mao ang suod nga higala ni Tiu, ang abogado nga si Martin Subido. Nagkasuod sila’ng duha atol sa ilang mga tuig sa kolehiyo sa De La Salle University. 

Bisan kun nipadayon sa law si Subido sa Ateneo Law School ug si Tiu nga nagsugod na sa iyang ambisyon nga mahimong ilado’ng negosyante, partikular sa agrikultura, wa’y putol ang ilang komunikasyon.

Sulagma ba nga si Subido suod nga higala sa anak ni Binay nga si kongresista Abegail ug nga si Subido ang miyembro sa board sa 16 ka kompaniya nga giangkon ni Tiu nga iyaha?

Sulagma ba ‘sab nga si Subido ang nakig-alayon sa negosasyon tali ni Tiu ug ni Laureano Gregorio Jr. ang giingon tag-iya sa lapad nga yuta sa Batangas?  Sulagma lang ba nga ang yuta nga giangkon ni Tiu mao sab ang propriedad nga gipasangil nga iya ni Binay?

Apan sa katapusang hearing sa sub-committee sa Senate Blue Ribbon, kontrobersyal ang pamahayag ni Senador Antonio Trillanes nga kinahanglan nga tubagon ni Tiu sa mosunod nga hearing kun unsay rason ngano’ng nag-withdraw siya og gatusan ka libo ka pesos gikan sa usa ka bangko sa Quezon City.

Usa ka butang nga wala mapangandami ni Tiu tungod kay diha’ng gipangutana sa media kabahin niini, mas gipili ni Tiu nga magdali sa pagbiya ug talikdan ang media nga sagad unta niya’ng atubangon ug pahiyoman ug tubagon ang mga pangutana.

* * *

(Email: [email protected] or [email protected])

 

ANTONIO TIU

APAN

ATENEO LAW SCHOOL

BATANGAS

BINAY

SUBIDO

SULAGMA

TIU

  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with