_banat
^

Banat Opinyon

Ang Santo Papa

Ann Las Cruces - Banat

Kining ato karon nga Santo Papa, si Pope Francis, lahi gayud sa ubang mga Papa ning bag-ong panahon. Obserbasyon kini sa usa ka Madre nga nagsilbe sa usa ka kongregasyon didto sa Italia.

* * *

Ang iyang naobserbahan mao say atong napanid-an sa kinaiya niining ato karong tinahud nga Santo Papa. Suma pa sa mga artikulo nga nasuwat kabahin kaniya si Pope Francis mura la’g ordinaryong tawo kang kansang kinaiya lahi kaayo sa kinaiya sa mga nangaging Santo Papa.

* * *

Pananglitan, suma pa adtong Madre sa Italia, si Pope Francis dili hinugo. Kun mahimo kuno og kaya ra niyang buhaton ang usa ka butang, siya na lang ang mobuhat, dili na kini mangita’g laing tawo nga pabuhaton.

Kini nakita sa daghang tawo dihang ni check-out na siya sa iyang apartment aron mobalhin sa iyang official residence.

* * *

Siya mismo ang nialsa sa iyang maleta ug mibayad sa iyang apartment bill ngadto sa kahera.

* * *

Ug dihay usa ka higayon nga nilinya siya uban sa mga trabahante sa usa ka mess hall aron mangayo’g kan-unon alang sa pamahaw. Siya gihapon kuno ang mibayad sa kahera. Unya nilingkod sa dining table uban sa mga trabahante.

* * *

Matud pa sa Madre tang tinubdan si Pope Francis dili molikay sa mga tapok-tapok sa mga tawo sa mga dapit nga iyang bisitahan. Mga  bata nga mihangop kaniya iya gayud nga tagdon ug alingahon. Kugoson pa gani kun mahimo.

* * *

Mao nang Santo Papa nga ato unyang makita inig bisita niini sa Sugbu, kay suma sa balita moanhi man kuno human sa iyang pagbisita sa mga dapit nga nasalakay sa bagyo ug linog.

* * *

SA LAING BAHIN ... Daghang salamat sa atong mga magbabasa diha sa Punta Princesa, Tisa ug Labangon.

 

CENTER ITALIA IYANG POPE FRANCIS PUNTA PRINCESA SANTO PAPA SIYA
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with