New Year’s resolution sa mga seniors
SENIOR CITIZENS CORNER - A.M. Dela Serna (Banat) - January 3, 2014 - 12:00am

Una sa tanan, mag-resolve kita nga hiusahon nato ang atong kaugalingon. Let’s get united. Dili nato sambugan og pamolitika ang atong mga pundok. Kun imposible kaayo nga mausa lamang ang atong pundok sa usa ka barangay, atong paningkamutan nga dili kita mag-iyahay sa atong mga kalihokan, dili maglinibakay, dili magdinautay, dili mag-intrigahay, ug paningkamutan nga mamaayo ang relasyon with the barangay captains.

Atong iampo nga ang mga kapitan sa barangay mismo dili maoy mahimong hinungdan sa pagkasiak sa mga pundok sa senior citizens sa ilang barangay. Nga unta, dili sila magtukod og kaugalingong pundok sa mga senior citizen … ug kadtong giisip nga ilang kompetensiya, dili nila paambiton sa one percent nga gahin alang sa mga senior.

Sa among pakigkita ni Kapitan Philip Zafra, among gisugyot nga malakip sa iyang mga priorities isip ABC president ang paghiusa sa mga pundok sa senior citizens sa mga barangay. Unya, laing New Year’s resolution, mao nga kadtong nakautang sa coop, ila nang sugdan pagbayad ang maong mga utang. Ambut pila na ka bag-ong tuig ang milabay nga nagtangag sa maong mga utang. Atong himoon ang tuig 2014 nga overdue utang-free Ug, tungod kay ang tawo, is both good and bad, atong hinayhinayan pag-abolish sa atong mga bad elements, sama sa atong pag-abolish sa pork barrel. Ug atong palambuon ang mga maayo natong characteristics. Unya, aron molambo ang atong tagsatagsa ka chapter, motambong na ta sa mga miting, mo-participate sa mga kalihokan … ug dili kay maghuwat lang kanus-a ipanghatag ang cash  assistance o limos  gikan sa city hall … sama kita nga mga makililimos.

Ang Parañaque city mao pay pagpangadam sa ilang tinguha paghatag og cash benefits  sa mga senior citizens. Pila man? P500 birthday, ug laing P500 christmas gift. Sa ato pa, P1000 tibuok tuig. Kita dinhi, P12,000 gyud ang tuig … unya, magbagulbol dayon ta kun malangan la’g gamay ang panghatag.

Ug mao pay ilang pag-establish through an ordinance sa Office of Senior Citizens Affairs. Kita dinhi, ma-upat na ka tuig ang atong OSCA office, apan wa pa gyu’y ordinance. Ambut ngano. Hinaut malakip kini sa New Year’s resolution sa mayor nga himoong urgent ang pag-establish through an ordinance sa buhatan sa OSCA.

Unya, alang kanatong mga senior citizens, atong ipangaliya nga kalugwayan pa ang atong pagpuyo ning kalibutana. Unsaon man? Giingon dinhi, atong kutloon” Keys to a long life: expressing yourself, being optimistic, and having a laugh. People who are optimistic, easygoing, social, and enjoy having a good laugh live longer than their more neurotic counterparts.”

So, may kalabutan kini sa atong personalidad … sa atong mga kinaiya, sa atong attitude. Kun kanunay kitang magmagul-anon, masuk-anon, walay silingan, kontra ang tibuok kalibutan, ang dark side sa atong pagpuyo maoy kanunay’ng makit-an, mahadlokon bisa’g way klarong kahadlokan, sige la’g pangaway, dili motambong sa mga miting, most of the time  mag-inusara, dili kamaong mokatawa, walay exercise … kun mao kini kita …. dili kaayo ta makadugay ning kalibutana.

Worrying about your problems won’t drive your problems away. It won’t do you any good. So, be happy, go lucky this year. Happy New Year to all!

 

AMBUT ANG PARA ATONG BRVBAR DILI NEW YEAR UNYA
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with