Giuna unta pension increase sa SSS kay sa P1-M million bonus
SENIOR CITIZENS CORNER - A.M. Dela Serna (Banat) - October 18, 2013 - 12:00am

Pastilan, pagka-waa na gyuy uwaw sa kadagkuan sa atong gobiyerno. Taliwaa sa tumang kalisud, ang mga opisyales sa SSS (ug ubang government controlled corporations), mipasidungog ug mi-reward sa ilang kaugalingon sa tag-usa ka milyon ka pesos isip bonus pasalamat kono sa maayo nilang performance.

In the meantime, kun duna kay tuyo sa SSS, kinahanglan mangadlawon ka, kun buot kang matagad og sayo, ug kun dili, pabalikbalikon ka hasta tagpila ka adlaw. Gumikan ini, ilang gigantihan ang ilang kaugalingon sa makabungog nga bonus. Ngiga nila no?  Mora mag ilang kwarta.

Unya, sugod karong Enero sunod tuig, ilang usbawan ang contribution sa mga SSS members. Sila ra say nagbuot ini. Waa mananghid nato. Ilang justification pag-increase sa contribution, nga tingali unya kono’g mahutdan ang SSS sa pundo sa mosunod nga katuigan. Alang sa tuig 2012, dul-an og 300 milyones ka pesos ang ilang gigahin, bonuses alang sa mga director ug mga empleyado sa SSS – isip premyo sa ilang pagbudlay. Pastilan!

Hain na man tong giingon ni Noynoy nga kayo, people ang boss ko. Sa ato pa, silang mga anaa sa SSS, ato untang mga suloguon. Naa ba goy suloguon nga maka-one million pesos, samtang ang mga agalon (ang tag-iya sa kwarta), modawat lang, labing minus, P2,000 matag bulan? 

Sila si Kongresista Neri Colmenares ug Carlos Zarate nangutana: “Aren’t those trustees ashamed of what they did?” Waa ba kono sila mauwaw sa ilang gibuhat. Perhaps alang nila, nganong mauwaw man? Sa giingon sa usa ka komentarista: “Bagaa sag nipis uy”

Unya, dugang ini, ang matag board member modawat og gikan sa 30 ngadto sa 50 milyones ka pesos matag-miting. Ngiga nila no? Libre pang kaon. Pagkahayahay ning atong mga suloguon.           

Dato kaayo ang SSS. Waa unta kinahanglana ang usbaw sa contribution. Sa tuig 2010, aduna kini P345 billion nga assets ug investments, uban sa annual income gikan sa 21 ngadto sa 23 bilyones ka pesos. Kadaghan ining kwartaha, nganong kinahanglan mang usbawan ang contribution?

Unya, adunay collectible nga mokabat og 8.5 bilyones ka pesos. Nganong dili man ni kolektahon – aron di na kinahanglan nga usbawan ang contribution? Ang Bayan Muna party-list dugay nang misugyot sa P7,000 nga monthly pension sa mga sakop sa SSS. Kagamay ining kwartaha itandi sa 10 bilyones ka pesos nga pork barrel scam. Unya, di man kay ang pork barrel ray ilang gi-scam.

Niining matuwid na daan ni Noynoy, left and right ang scamming. Hinungdan sa pag-us-os sa iyang rating. Hinaut nga ma-corrected kini sa labing dali nga panahon, sa dili pa mabangkaruta ang atong nasud. Kapoy na. 

Mangutana ta: Madutlan kaha’g uwaw ang kadagkuan sa SSS?  Abangan ang susunod na kabanata.  Sa Iningles pa: “let’s to wait and see!” 

 

 

ANG BAYAN MUNA CARLOS ZARATE ILANG SSS UNYA WAA
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with