^

Towing giplanohan’g ibalik

RENBOR PATROL - Rene U. Borromeo (Banat) - September 7, 2013 - 12:00am

Siyaro og maproblema pa ang dakbayan sa Sugbo paghakut sa mga basura nga ang Department of Public Services (DPS) duna na ma’y mga 50 ka garbage trucks.

Kaniadto miabut ra man gani og 17 ka garbage trucks ang nadistino sa DPS apan nahimo man lang gihapon. Gawas sa dul-an sa 50 ka garbage trucks, duna pa’y mga garbage trucks sa lainlaing barangay.

Ayaw ko’g ingna nga magkaproblema pa ang paghakut sa mga basura? Kaniadtong miaging adlaw, gitugyan ni Mayor Michael Rama ngadto ni DPS head Dionesio Gualiza ang bag-ong 17 ka garbage trucks. Dugang kini sa unang gipalit nga 22 ka brand new gihapon nga garbage trucks nga ang matag usa nagkantidad og ta’g P2.1 milyones.

Sa ato pa, 37 ang tanang bag-o nga garbage trucks nga naangkon sa dakbayan sa Sugbo karon lang tuiga. Idugang kadtong kapin sa napulo nga daang garbage trucks, mga 50 na ang tanan.

Kun makakita pa kita og daghang mga basura nga wala mahakut makaingon na g’yud ta nga nagligoy ang mga kawani sa kagamhanan nga gitahasan sa mao nga gimbuhaton.

* * *

Nindot ang plano karon sa Executive Committee sa CITOM nga mosugyot sila nga mo-hire na usab ang dakbayan sa Sugbo og private towing company aron mangguroy sa mga sakyanan nga ipataka lang pag-park sa daplin sa karsada, apil sa aseras.

Gitug-anan ko ni Joy Tumulak, ang operations chief sa CITOM, nga ang mechanics kon pamaagi ila pa’ng hisgutan pag-ayo apan himoon nila kini nga lahi kaniadto.

Usa sa kalainan mao nga ang towing companies nga i-hire sa CITOM maghuwat lang og tawag, dili sama kaniadto nga magsuroy-suroy.

Apan tan-aw nako dili kini epektibo kay mahimo man nga inigtawag sa CITOM og tow vehicle inig-abot wala na ang maong sakyanan. Resulta mag-usik-usik lang ang towing company og gasolina. Sa akong tan-aw angay gayud karon nga hingusgan na pagbalik ang kampanya sa mga sakyanan nga ipataka lang pag-park sa daplin sa karsada kay miabuso na ang mga daghang motorista.

Tan-awa ra gud kanang aseras sa V. Gullas gikan sa karaang USP paingon sa eskena D. Jakosalem, gihimo na lang nga parking area sa mga sakyanan. Kaniadto dili g’yud sila makahimo ana.

Unsaon nga duna may mga tawo nga kusog kaayo nga motagawtaw batok sa towing operations kaniadto. Nagsiga lang tingali ang ilang mga mata nga nagtan-aw sa problema karon.

Kaniadto gud mahadlok ang mga motorista nga mopataka og parking sa ilang sakyanan kay kun dili i-clamp sa CITOM, guroyon ug makabayad sila’g daku.

DEPARTMENT OF PUBLIC SERVICES DIONESIO GUALIZA GARBAGE KANIADTO LANG SUGBO TRUCKS
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with