Tungod kay usahay ang mga ginikanan nahimong busy kaayo sa daghang mga buluhaton sa panginabuhi o dili ba kaha tungod kay daghang mga ginikanan ang wala makadawat sa kamatuoran nga sila nahimong ginikanan sa anak nga wala sa plano mao nga wala nila makita ang posibleng linugdangan niini ngadto sa bata.
Ang rejection bisan pa man sa linghod nga panuigon o bisan pa diha mismo sa sabakan sa inahan ang mahimong makatukmod sa bata nga mogama og kaugalingong kalibutan o dili ba kaha mangita niini ngadto sa uban. Usa sa paagi sa paglingaw sa kaugalingon mao ang pagsulod sa kalibutan sa internet aron ning maong kahimanan mapalgan ang mga substitute sa pangindahay nga mamahimong sakop sa usa ka katilingban o pamilya.
Ang subconscious nagpursige sa pag-assert sa aspiration sa Right to belong. Mao nga ang ubang mga batan-on ang mamahimong mosulod sa mga chatrooms, moapil sa mga dula sa internet nga kun buot palandungon adunay dakong kalambigitan sa mga balansayon o occult ug mga esoteric nga moresulta hinuon sa sinugdanan sa personal infestation. Mao nga matag ginikanan paningkamoti nga ipasinati ngadto sa imong mga anak nga sila dili lang nobody kondili mga somebody sa imong palibot ug meaningful alang kanimo ang ilang existence. Himoa silang sakop sa imong kalibutan ingon nga banay aron dili nila mugnaon ang ilang kaugalingong kalibutan.