Labing dako, labing baho

Ang “Titan  Arum” maoy labing dako nga buwak sa kalibutan. Apan mao say labing baho nga buwak sa tibuok kalibutan.

* * *

Suma sa Agence France Presse, ang maong buwak adunay gitas-on nga napu ka tiil kon 10 feet. Ug ang baho niini murag unod sa patay’ng tawo nga nadugta na.

* * *

Panagsa ra kini mo-bloom kun manglimbukad. Ug ang kinabuhi niini mga 72 oras ra. Mahibaw-an gyud kun nanglimbukad kini kay malikop man sa grabeng kabaho ang dapit nga gitubuan sa maong buwak.

* * *

Bisan pa sa iyang kabaho gatusan ka mga flower lovers ang motapok sa usa ka garden didto sa Rio de Janeiro diin namuhi kining bulaka. Kausa ra kini mamulak sa dugay’ng tinuig mao nga daghang flower collectors ang maninguha makakita niini.

* * *

Laing ngan niining bulaka mao ang “Corpse Flower” kon buwak sa patay tungod kay morag baho sa patay nga tawo ang kabaho niini. Daghang tag-iya’g botanical garden ang naninguha nga makaangkon og semilya niining buwaka apan pakyas sila.

* * *

TRIVIA. Maayong buntag sa atong mga magbabasa diha sa Leon Kilat st. ug kasikbit nga mga dapit. Salamat sa inyong walay hunong nga suporta sa Banat News.